Deuteronomio 32:22 - Marahay na Bareta Biblia

²² Siring sa kalayo, malaad an kaanggotan ko, na matutong kan gabos na yaon sa daga, sagkod sa kairaroman kan Sheol; matutong minsan kan mga gamot nin kabukidan.

Deuteronomio 32:22 ပူးပေါင်းရင်းမြစ်များ

Salmo 144:5

Kagurangnan, buksan mo an langit asin humilig ka; dootan mo an mga bukid asin ini maaraso.

Salmo 21:9

Gigibohon niya sindang arog sa naglalaad na horno sa pag-abot niya. Hahalonon sinda nin Kagurangnan sa saiyang kaanggotan asin kalayo an matunaw sainda.

Salmo 46:2

Kaya dai kita matatakot maski maliwat an daga, maski mahulog sa irarom kan dagat an kabukidan;

Salmo 83:14

Siring sa kalayo na nakakatunaw sa kadlagan; siring sa kalayo na nakakaraot nin kabukidan;

Salmo 86:13

Huli ta dakula an danay mong pagkamoot sa sako; asin hinawas mo sa kairaroman nin Sheol an kalag ko.

Salmo 97:3

Kalayo an nangengenot sa atubang niya asin sinusulo an saiyang mga kaiwal sa palibot niya.

Isaias 24:6

Kaya minaldisyon nin Dios an daga asin nagbabayad na an mga tawo kan saindang kasalan. Tinurunaw niya an mga nag-eerok sa daga asin dikit na sana an natadang buhay.

Isaias 30:33

Haloy nang panahon na inandam an sarong lugar saen susuloon an hade kan Asiria sa sarong dakulang kalayo. Hararom saka mahiwas an lugar, asin halangkaw an tambak nin kahoy. An Kagurangnan an mahangos nin kalayo nganing makutan iyan.

Isaias 54:10

Pwedeng magkaroronot an kabukidan saka kabubuldan, alagad an sakong pagkamoot saimo dai magkakaigwa nin kataposan; an sakong panuga na katoninongan ootobon ko sagkod lamang.” Iyan an sinasabi nin Kagurangnan na namomoot saimo.

Jeremias 15:14

Papalingkodon ko sinda sa saindang mga kaiwal, sa dagang dai ninda naaaraman, huli ta an kaanggotan ko garo kalayo na naglalaad sagkod lamang.”

Jeremias 17:4

Mapipiritan kamong isuko an daga na itinao ko saindo, asin papalingkodon ko kamo sa mga kaiwal nindo sa sarong daga na dai nindo aram, huli ta an sakong kaanggotan arog sa kalayo, asin maglalaad iyan sagkod lamang.”

Jeremias 4:4

Otoba an tipan nindo sako, an saindong Kagurangnan, asin italaga nindo an saindong buhay sa paglingkod sako. Kun dai nindo gibohon iyan, an kaanggotan ko maglalaad siring sa kalayo huli kan mga maraot na bagay na saindong ginibo. Maglalaad iyan, asin mayo nin siisay man na makakasigbo kaiyan.”

Mga Panambitan 2:2

Mayo nin pagkaherak na rinaot nin Kagurangnan an lambang harong sa Juda; sa kaanggotan rinumpag niya an mga bantayan nin depensa kan daga. Dinarahan niya nin kasosopgan an kahadean asin an mga namamayo kaiyan.

Mga Panambitan 2:3

Sa labi-labing kaanggotan, rinonot niya an kosog nin Israel; sa atubang kan kaiwal, dai niya kami tinabangan. An kaanggotan niya samo siring sa kalayo na minaraot kan gabos.

Mga Panambitan 2:4

Arog sa kaiwal, an saiyang mga bosog ihinimunta niya samo; ginadan niya an gabos na nakakapaogma samo. An saiyang labi-labing kaanggotan namatean nyamo digdi sa Jerusalem.

Mga Panambitan 4:11

Pinaluwas nin Kagurangnan an bilog niyang kaanggotan; nagpagkot siya nin kalayo sa Sion na tuminutong sagkod kan mga pundasyon.

Ezekiel 19:12

Alagad ginabot ini nin anggot na mga kamot dangan itinapok sa daga. An mga bunga kaini naalang sa huyop kan doros na hale sa sirangan. Binari an mga sanga kaini, naalang dangan sinulo.

Ezekiel 22:21

Titiponon ko sinda sa Jerusalem asin maamak ako nin kalayo tanganing tunawon sinda kan kalayo nin sakong kaanggotan.

Ezekiel 36:5

“Ako, an Kagurangnan Dios, nagtataram sa maimon kong kaanggotan laban sa mga nasyon sa palibot, asin sa bilog na Edom. Pano nin kaogmahan saka pagtuyatuya na sinakop ninda an sakong daga dangan sinamsaman.

Ezekiel 38:19

Sa maimon kong kaanggotan, ipinapahayag ko na sa aldaw na iyan magkakaigwa nin makosog na linog sa daga nin Israel.

Levitico 26:20

Masasayang an gabos nindong paghihingowa huli ta dai magkakaigwa nin ani an saindong daga; dai man mamumunga an mga kahoy.

Amos 5:6

Magdolok kamo sa Kagurangnan, asin mabubuhay kamo. Kun dai kamo magdolok saiya, maabot siya sa banwaan nin Israel siring sa kalayo. Susuloon kan kalayong iyan an mga taga Betel, asin mayo nin siisay man na makakasigbo kaiyan.

Amos 7:4

Nagkaigwa pa ako nin sarong bisyon hale sa Kagurangnan Dios. Sa bisyon na iyan nahiling kong nag-aandam siya sa pagpadusa kan saiyang banwaan sa paagi nin kalayo. An dakulang dagat sa irarom kan daga nagmara huli sa init kan kalayo asin nasulo na an daga.

Mikas 1:4

Matutunaw an kabukidan sa irarom niya arog kan taro sa kalayo; maburulos sinda pasiring sa mga kapantayan siring sa tubig na nagbubulos hale sa bulod.

Habakkuk 3:10

Kan mahiling ka kan kabukidan, tinakigan sinda; nagbulos an tubig hale sa kalangitan. Naghagubohob an katubigan sa irarom kan daga, asin nag-orolanto an saindang mga alon.

Sofonias 1:18

Sa aldaw na ipahiling nin Kagurangnan an labi-labi niyang kaanggotan, dai sinda ikakaligtas maski kan gabos nindang plata o bulawan. An bilog na daga raraoton kan kalayo nin saiyang kaanggotan. Tataposon niya an gabos na nag-eerok sa daga—sarong bigla na kataposan.

Sofonias 3:8

Nagtataram an Kagurangnan, “Halaton nindo ako.” Halaton nindo an aldaw nin pagtindog ko tanganing iakusar an mga nasyon. Huli ta nagdesisyon na akong tiponon an mga nasyon asin mga kahadean tanganing ipamate sainda an init kan sakuyang kaanggotan. An bilog na daga tutunawon kan kalayo nin labi-labi kong kaanggotan.

Mga Bilang 16:33

Kaya nalubong sindang buhay kaiba an saindang mga pagsadiri. Suminera an daga sagkod dai na sinda nahiling kan mga Israelita.

Mga Bilang 16:35

Dangan nagpadara an Kagurangnan nin kalayo asin sinulo an dos syentos singkwentang lalaki na nagdolot nin insenso.

Mateo 10:28

Dai kamo matakot sa mga tawong makakagadan kan hawak alagad dai makakagadan kan kalag; kundi matakot kamo sa Dios na makakagadan kan hawak asin kalag sa impyerno.

Mateo 18:9

Kun an saro mong mata magin dahelan kan pagkakasala mo, hulwata iyan dangan aponan! Mas marahay pang lumaog ka sa langit na saro sana an mata ki kan may duwang mata alagad ihulog sa kalayo nin impyerno.

Mateo 23:33

Mga halas! Kapagarakian nin mga rimoranon! Paano kamong makakadulag sa padusa sa impyerno?

Deuteronomio 29:20

An siring na tawo dai nanggad papatawadon nin Kagurangnan; maglalaad laban sa saiya an bilog na kaanggotan saka pagkamaimon nin Kagurangnan, asin mapapasaiya an gabos na maldisyon na nasusurat sa librong ini, sagkod na mapara an saiyang ngaran sa ibabaw nin daga.

2 Tesalonica 1:8

nganing padusahan an mga habong magmidbid sa Dios saka an mga dai nagkukuyog kan Marahay na Bareta ni Jesus na Kagurangnan.

Hebreyo 12:29

huli ta an satong Dios garo kalayong nanghahalon.