Deuteronomio 32:2 - Marahay na Bareta Biblia

² Maghulog logod siring sa uran an sakong katukdoan, siring sa ambon sa ibabaw nin daga, siring sa tagiti sa mga doot saka mga tinanom.

Deuteronomio 32:2 ပူးပေါင်းရင်းမြစ်များ

2 Samuel 23:4

nagbabanaag siring sa liwanag nin kaagahon, siring sa aldaw na nagliliwanag sa sarong mayong dampog na kaagahon, siring sa uran na nakakapatalubo kan doot sa daga.”

Salmo 65:10

pinapadarahan mo nin maninigong uran an mga inaradong oma asin sinasaromsom mo nin tubig; pinapalumoy mo an daga huli sa tagiti, asin pinapatalubo an saradit na tinanom.

Salmo 72:6

Siya magin logod siring kan uran sa kaomahan, siring kan tagiti na minahulog sa daga.

Mga Talinhaga 4:2

An itinutukdo ko saindo marahay, kaya giromdoma nindo ini gabos.

Oseas 14:5

Ako magigin arog sa uran sa sarong mamarang daga para sa banwaan nin Israel. Mamumurak sinda siring sa lirio; magigin pusog an saindang pagkagamot arog sa mga kahoy nin Lebanon.

Oseas 6:4

Alagad nagsasabi an Kagurangnan, “Ano an gigibohon ko saimo Israel? Ano an gigibohon ko saimo Juda? Hidali sanang nawawara an saindong pagkamoot sako arog kan alopoop sa pagkaaga; nakakaagid iyan sa ambon na nawawara amay pa an aldaw.

Amos 7:16

Kaya dangoga ngunyan kun ano an sinasabi nin Kagurangnan. Pinapaontok mo ako sa pagpropesiya, sa pagtaram laban sa banwaan nin Israel.

Mikas 5:6

Huli sa saindang kosog, masasakop ninda an Asiria, an daga ni Nimrod, asin ililigtas ninda kita sa mga taga Asiria sa panahon na salakayon kan mga ini an satong teritoryo.

Mikas 5:7

An mga matada sa mga Israelita magigin siring sa ambon na padara nin Kagurangnan para sa mga nasyon, arog sa tagiti sa mga nagtatalubong tinanom. Magsasarig sinda sa Dios, asin bakong sa tawo.

Zacarias 10:1

Hagad kamo nin uran sa Kagurangnan pakatapos kan tiglipot, bago mag-abot an tig-init, huli ta siya an naggigibo kan mga dampog, an nagtatao nin dakul na uran tanganing magin berde an kaomahan para sa gabos.

Hebreyo 6:7

Benebendisyonan nin Dios an daga na minasarumsom kan uran na minahugpa diyan, dangan minatao nin marahay na ani sa mga nagtatanom.