Deuteronomio 32:12 - Marahay na Bareta Biblia

¹² An Kagurangnan sana an nangenot sa saiyang banwaan; mga dayuhan na dios-dios dai sinda tinabangan.

Deuteronomio 32:12 ပူးပေါင်းရင်းမြစ်များ

Nehemias 9:12

Kun aldaw pinangenotan mo sinda huli sa hariging panganoron; kun banggi inilawan mo an saindang dalan huli sa hariging kalayo.

An Libro ni Job 15:19

Ligtas an saindang daga sa mga dayuhan; mayo nin madagka sainda na magrayo sa Dios.

Salmo 136:16

An saiyang banwaan pinangenotan niya sa kalangtadan; an saiyang pagkamoot mayo nin kataposan.

Salmo 27:11

Tukdoan sako, Kagurangnan, an saimong dalan, asin pangenote ako sa tamang agihan, huli ta dakul an sakong mga kaiwal.

Salmo 78:14

Kun aldaw, pinapangenotan niya sinda sa paagi nin panganoron; asin sa bilog na banggi, sa paagi nin kalayo.

Salmo 80:1

Dangoga kami, O Pastor nin Israel; himatea kami, ika na pamayo kan saimong mga karnero. Ika na nakatukaw sa trono sa ibabaw kan mga kerubin,

Salmo 81:9

Dai ka nanggad magsamba sa ibang dios.

Isaias 46:4

Ako an saindong Dios asin aatamanon ko kamo sagkod na kamo maggurang saka magputi an saindong buhok. Ako an naggibo saindo asin ako an maataman saindo; tatabangan ko kamo asin ililigtas ko kamo.

Isaias 63:14

Kun paano inaalaw an mga baka pasiring sa sarong matubang na kapantayan, siring man kun magtao an Kagurangnan nin kapahingaloan sa saiyang banwaan. Pinangenotan niya an saiyang banwaan asin iyan an nagdara nin kamurawayan sa saiyang ngaran.

Oseas 11:4

Dinagka ko sinda sa sako huli sa pakikipagkatood asin pagkamoot. Initaas ko sinda dangan idinuta sa sakong pisngi; nagduko ako sainda asin pinakakan ko sinda.

Deuteronomio 1:31

asin sa kalangtadan. Nahiling nindo kun paano niya kamo dinara sa lugar na ini, siring sa pagdara nin sarong ama sa saiyang aki.’

Deuteronomio 32:39

“‘Ako, asin ako sana, an Dios; mayo na nin ibang totoong dios. Nakakagadan ako saka nakakabuhay; nakakalugad saka nakakapaomay, asin mayong makakaolang sa gigibohon ko.

Deuteronomio 4:35

Ipinahiling ini nin Kagurangnan saindo tanganing patotoohan saindo na siya sana an Dios asin mayo nang iba.

Deuteronomio 4:39

Kaya giromdoma nindo ngunyan asin dai nanggad nindo paglingawan na an Kagurangnan iyo an Dios sa langit asin sa daga; mayo na nin ibang dios.

Josue 24:17

An Kagurangnan na satong Dios iyo an nagligtas samo asin sa samuyang mga magurang sa kaoripnan duman sa Egipto. Nahiling mi an mga ngangalasan na ginibo niya. Inataman niya kami sa gabos na banwaan na samong inagihan.