Deuteronomio 31:9 - Marahay na Bareta Biblia

⁹ Kaya isinurat ni Moises an katogonan na ini nin Dios asin itinao sa mga pading Levita, na namamahala kan Kaban nin Tipan nin Kagurangnan, asin sa mga lider kan Israel.

Deuteronomio 31:9 ပူးပေါင်းရင်းမြစ်များ

1 Mga Hade 8:3

Kan tiripon na an gabos na kamagurangan, binuhat kan mga padi an Kaban nin Tipan

2 Mga Hade 17:37

Danay kamong magkuyog kan sakong mga togon asin pagboot na sinurat ko para saindo. Dai kamo magsamba sa ibang dios,

1 Mga Cronica 15:2

Dangan nagsabi si David, “An mga Levita sana iyo an makakapagdara kan Kaban nin Tipan, huli ta sinda an pinili nin Kagurangnan na magdara kaiyan asin maglingkod saiya sagkod pa man.”

Nehemias 8:2

Kaya dinara ini ni Esdras duman sa lugar na pinagtiriponan kan mga tawo—mga lalaki, mga babae, saka mga aki na tatao nang magsabot.

Nehemias 8:3

Binasa niya sainda duman an Katogonan, magpoon pagsirang kan aldaw sagkod odto, asin hinimate siya ninda nin marahay.

Exodo 24:4

Isinurat ni Moises an gabos na pagboot nin Kagurangnan. Pagkaagang amay nagtugdok siya nin altar sa pamitisan kan bukid. Nagpatindog siya nin doseng hariging gapo para sa doseng tribu nin Israel.

Daniel 9:13

Itinao mo samo an gabos na padusa na sinasabi sa Katogonan ni Moises. Alagad maski ngunyan, O Kagurangnan na samong Dios, dai kami naghingowa na mapaogma ka sa paagi nin pagbakle sa samong mga kasalan o sa pagsunod kan saimong katotoohan.

Oseas 4:6

Mayong paglaom an sakong banwaan huli ta dai ninda ako minimidbid. Kamo man na mga padi habong magmidbid sako asin isinikwal nindo an sakong katukdoan, kaya isinisikwal ko man kamo asin dai ko man aakoon an saindong mga aking lalaki bilang mga padi ko.

Malakias 2:7

Katongdan kan mga padi na magtukdo kan tunay na pakaaram manongod sa Dios. Kaipuhan na magdolok sa mga padi an mga tawo tanganing makanood kan sakong kabotan, huli ta sinda an mga sugo kan Kagurangnan nin mga hukbo.

Malakias 4:4

“Giromdoma nindo an katukdoan kan sakong sorogoon na si Moises, an mga togon saka mga pagboot na itinao ko saiya sa Bukid nin Sinai na dapat kuyogon kan gabos na tawo sa Israel.

Mga Bilang 33:2

Sa pagboot nin Kagurangnan, isinurat ni Moises an ngaran kan lambang lugar na saindang pinagkampohan.

Mga Bilang 4:15

Kun mahale na sinda sa saindang pinagkakampohan pakatapos na mapatos ni Aaron saka kan saiyang mga aki an mga kagamitan sa Tabernakulo, madolok an kamaganakan ni Kohat tanganing darahon an mga sagradong bagay. Alagad dai ninda dapat dutaan an mga iyan tanganing dai sinda magadan. Iyo iyan an magigin katongdan kan kamaganakan ni Kohat kun liniliwat an Tabernakulo.

Mga Bilang 4:5

Itinao nin Kagurangnan ki Moises an minasunod na mga katukdoan. Sa panahon na mahale na an mga Israelita sa saindang pinagkakampohan, malaog sa Tabernakulo si Aaron saka an saiyang mga aki; hahaleon ninda an panlipod na kurtina sa atubang kan Kaban nin Tipan dangan itatahob ninda iyan sa Kaban.

Mga Bilang 4:6

An Kaban tatahoban ninda nin anit nin kanding dangan ibibiklad ninda sa ibabaw kaiyan an sarong telang anas asul. Dangan isusurok ninda an mga pasanan.

Markos 12:19

Hinapot ninda si Jesus, “Maestro, nagsurat si Moises kaining pagboot para sato, ‘Kun an sarong lalaki magadan dangan mabayaan an agom niyang mayong aki, kaipuhan na agomon kan tugang niyang lalaki an balo tanganing magkaaki sinda para sa nagadan niyang tugang.’

Lukas 20:28

“Maestro, nagsurat si Moises kaining pagboot para sato, ‘Kun magadan an sarong lalaki dangan mabayaan an agom niya na mayong aki, kaipuhan agomon kan tugang niyang lalaki an balo, tanganing magkaaki sinda para sa nagadan niyang tugang.’

Juan 1:17

An Katogonan itinao nin Dios sa paagi ni Moises, alagad an biyaya asin katotoohan nag-abot sa paagi ni Jesu-Cristo.

Juan 1:45

Dangan nakua ni Felipe si Natanael saka sinabihan, “Nakua mi an tawong sinabi ni Moises sa libro kan Katogonan asin sinabi man kan mga propeta. Siya si Jesus na taga Nazaret, aki ni Jose.”

Juan 5:46

Kun talagang nagtubod kamo ki Moises, nagtubod man kutana kamo sako, huli ta nagsurat siya dapit sako.

Deuteronomio 10:8

Kan panahon na iyan pinili nin Kagurangnan an mga lalaki sa tribu ni Levi na iyo an mamahala kan Kaban nin Tipan, tanganing maglingkod saiya bilang mga padi asin magbendisyon sa ngaran nin Kagurangnan. Sagkod ngunyan ginigibo pa ninda ini.

Deuteronomio 17:18

Kun hade na siya, kaipuhan magkaigwa siya nin kopya kan libro nin mga togon saka mga pagboot nin Dios, na kinopya sa orihinal na libro na nasa pangataman kan mga pading Levita.

Deuteronomio 31:28

Tiponon nindo sa atubang ko an gabos na lider asin opisyal kan mga tribu, tanganing ikapahayag ko sainda an mga bagay na ini. Aapodon ko an langit sagkod an daga tanganing magsaksi para sako laban sainda.

Deuteronomio 33:10

Huhulitan ninda an saimong banwaan na magkuyog kan saimong katogonan; madolot sinda nin mga atang sa ibabaw kan saimong altar.

Josue 3:3

dangan nagsabi sa mga tawo, “Kun mahiling nindo an mga padi na dara an Kaban nin Tipan nin Kagurangnan na saindong Dios, tiriklopon na nindo an saindong mga tolda asin magsunod kamo sainda.

Josue 6:12

Amay na nagbangon si Josue kan sunod na aldaw asin sa ikaduwang beses naglibot sa syudad an mga padi saka an mga soldados arog kan ginibo ninda kan nakaaging aldaw. Nangenot an mga bantay na soldados, nagsunod an pitong padi na nagpapatanog kan pitong trompeta, dangan an mga padi na nagdadara kan Kaban nin Tipan nin Kagurangnan, asin kasunod an mga soldados na panghuri. Sa bilog na paglibot, padagos an pagtanog kan mga trompeta.