Deuteronomio 31:4 - Marahay na Bareta Biblia

⁴ Gagadanon nin Kagurangnan an mga tawo duman dangan raraoton an saindang daga, siring kan ginibo niya ki Sihon saka ki Og, na mga hade kan mga Amoreo.

Deuteronomio 31:4 ပူးပေါင်းရင်းမြစ်များ

Deuteronomio 2:33

Alagad itinao siya nin Kagurangnan sa satong mga kamot, asin ginadan ta siya, an saiyang mga aki sagkod an gabos niyang tawohan.

Deuteronomio 3:21

“Dangan sinabihan ko si Josue: ‘Nahiling mo an ginibo nin Kagurangnan na saimong Dios sa duwang hadeng si Sihon asin si Og; arog man kaiyan an saiyang gigibohon sa kiisay man na kagsadiri kan daga na saimong sasalakayon.

Deuteronomio 31:3

An Kagurangnan na saindong Dios mismo an mangengenot saindo asin matunaw kan mga nasyon na nag-eerok duman tanganing masadirihan nindo an saindang daga. Sosog sa itinaram nin Kagurangnan, si Josue an magigin lider nindo.

Deuteronomio 31:5

Itatao sinda nin Kagurangnan saindo, asin gibohon nanggad nindo sainda an gabos na sinabi ko saindo.

Deuteronomio 7:16

Gadanon nindo an gabos na banwaan na itatao sa saindong kamot kan Kagurangnan na saindong Dios. Dai kamo maherak sainda asin dai kamo magsamba sa saindang mga dios-dios. Iyan an magigin siod para saindo.

Deuteronomio 7:2

Kun itao na sinda nin Kagurangnan sa saindong kamot asin madaog na nindo sinda, kaipuhan gadanon nindo sinda gabos. Dai kamo makipagtipan sainda, asin dai kamo maherak sainda.

Josue 24:12

Ginibo kong magkatarakot sinda sa pagdangadang nindo tanganing pahaleon an duwang hadeng Amoreo. Bako iyan gibo kan saindong espada saka pana.