Deuteronomio 30:9 - Marahay na Bareta Biblia

⁹ Papauswagon kamo nin Kagurangnan sa gabos nindong gibo; papadakulon niya an saindong mga aki, mga hayop, sagkod mga bunga kan saindong daga. Maoogma siya sa pagpauswag saindo, siring na naogma siya sa pagpauswag kan saidong mga ginikanan,

Deuteronomio 30:9 ပူးပေါင်းရင်းမြစ်များ

Isaias 62:4

Dai ka na nanggad aapodon “Pinabayaan,” o aapodon an saimong daga na “Babaeng Sinuhayan.” “An Dios Nawiwili Saiya,” an saimong magigin bagong ngaran. An saimong daga aapodon “Maogmang Pag-inagoman,” huli ta nawilihan ka nin Kagurangnan asin makakaagid siya sa agom na lalaki kan saimong daga.

Isaias 62:5

Siring sa sarong hoben na lalaking minaagom nin sarong birhen, aagomon ka kan naglalang saimo. Siring na naoogma an lalaki sa saiyang agom, maoogma man an Dios sa saimo.

Isaias 65:19

Ako mismo mapapano nin kaogmahan huli kan Jerusalem asin kan saiyang namamanwaan. Dai na magkakaigwa nin pagtangis diyan, ni paghagad nin tabang.

Jeremias 31:27

“Ako, an Kagurangnan, an nagsasabi na maabot an panahon na papanoon ko nin tawo saka hayop an daga nin Israel asin Juda.

Jeremias 31:28

Kun paano ako nagin maingat kan sinda sakong gaboton, gabaon, pabagsakon, raoton saka pahaleon, maingat ko man sindang itatanom saka papatindogon.

Jeremias 32:41

Ikakaogma ko an paggibo nin marahay na mga bagay para sainda, saka papagdanayon ko sindang pusog sa dagang ini.

Jeremias 33:9

An Jerusalem iyo an matao sako nin kaogmahan, kaomawan, asin kamurawayan; an lambang nasyon sa kinaban matatakot saka magtatakig kun madangog ninda an manongod sa marahay na mga bagay na gigibohon ko sa mga taga Jerusalem asin an manongod sa kauswagan na dadarahon ko sa syudad.”

Levitico 26:4

papadarahan ko kamo nin uran sa tamang panahon tanganing magtao nin ani an daga asin mamunga an mga kahoy.

Levitico 26:6

“Tatawan ko nin katoninongan an daga asin magkakatorog kamo na dai matatakot sa kiisay man. Hahaleon ko an mga maringis na hayop sa daga asin dai na diyan magkakaigwa nin ralaban.

Sofonias 3:17

Kaibahan mo an Kagurangnan na saimong Dios; siya an paralaban na nagtatao saimo nin kapangganahan. Mawiwilihan ka nin Kagurangnan, asin tatawan ka niya nin bagong buhay sa saiyang pagkamoot. Mag-aawit siya asin mag-oogma huli saimo,

Lukas 15:32

Alagad dapat kitang magbangkete saka mag-ogma huli ta an tugang mong ini gadan na, alagad nabuhay liwat; nawara, alagad nakua na.’”

Juan 15:11

“Sinasabi ko saindo an mga bagay na ini tanganing mapasaindo an kaogmahan ko asin magsupay an saindong kaogmahan.

Deuteronomio 28:4

“Bebendisyonan nin Kagurangnan an saindong mga aki, mga ani asin mga hayop; papadakulon niya an saindong mga baka saka mga karnero.

Deuteronomio 28:63

Kun gurano nagin maogma an Kagurangnan sa pagpauswag asin pagpadakul saindo, siring man an saiyang magigin kaogmahan sa pagraot saka pagtunaw saindo; gagaboton niya kamo duman sa daga na saindong lalaogon dangan sasadirihon.

Deuteronomio 30:8

Kukuyogon giraray nindo siya saka ootobon an gabos niyang togon na itinatao ko saindo ngunyan.

Deuteronomio 7:14

Kamo an magigin paladan sa gabos na banwaan; mayo nin magigin baog sa saindo, tawo man o hayop.