Deuteronomio 30:16 - Marahay na Bareta Biblia

¹⁶ Kun kuyogon nindo an mga togon nin Kagurangnan na saindong Dios, na itinatao ko saindo ngunyan na aldaw, kun kamotan nindo siya, kuyogon siya, asin otobon an gabos niyang togon, dangan mag-uuswag kamo asin magigin sarong dakulang nasyon. Bebendisyonan niya kamo sa daga na saindong lalaogon asin sasadirihon.

Deuteronomio 30:16 ပူးပေါင်းရင်းမြစ်များ

1 Mga Hade 3:3

Namotan ni Solomon an Kagurangnan asin nagkuyog siya sa mga togon kan saiyang ama na si David, alagad nagdolot man siya nin mga sakripisyo asin nagtutong nin insenso sa manlaen-laen na altar.

Mga Talinhaga 3:1

Aki ko, hare paglingawe an katukdoan ko, kundi tagoon mo iyan sa puso mo an mga pagboot ko.

Isaias 1:19

Kun magkuyog ka sana kuta sako, magkakakan ka kan marahay na mga bunga kan daga.

Juan 14:21

“An mag-ako kan sakong mga togon asin magkuyog kaiyan, namomoot sako. An namomoot sako mamomotan kan sakong Ama; mamomotan ko man siya asin mapamidbid ako saiya.”

1 Corinto 7:19

Mayong halaga kun an tawo pagkaniserkomsisyonado o bako; an mahalaga iyo an pagkuyog kan mga katogonan nin Dios.

Deuteronomio 30:17

Alagad kun magtalikod asin magbinongog-bongog kamo saiya dangan madagka na magsamba sa ibang mga dios-dios,

Deuteronomio 30:19

Pinapapili ko kamo ngunyan: sa buhay o sa kagadanan, sa bendisyon nin Dios o sa maldisyon niya. Inaapodan ko ngunyan an langit saka an daga na magsaksi sa gigibohon nindong pagpili. Pilion nindo an buhay, tanganing mabuhay kamo asin an saindong mga kapagarakian.

Deuteronomio 30:6

Babagohon nin Kagurangnan an saindong puso asin an puso kan saindong mga kapagarakian tanganing mamotan nindo siya sa bilog nindong puso, tanganing padagos kamong mabuhay.

Deuteronomio 32:47

Mahalaga an mga katukdoan na ini; iyo ini an saindong buhay. Kuyogon nindo ini asin mahalawig an saindong buhay duman sa daga na nasa ibong kan Jordan, sa daga na saindong sasadirihon.”

Deuteronomio 4:1

Dangan sinabihan ni Moises an mga tawo, “Kuyogon nindo an gabos na togon asin pagboot na itinutukdo ko, tanganing mabuhay kamo asin masadirihan nindo an daga na itinatao saindo nin Kagurangnan, an Dios kan saindong mga ginikanan.

Deuteronomio 5:33

Kuyogon nindo gabos an mga iyan tanganing mabuhay asin mapakarahay kamo patin maghalawig an saindong buhay duman sa daga na masasadirihan nindo.

Deuteronomio 6:5

Kamotan nindo an Kagurangnan na saindong Dios sa bilog nindong puso, sa bilog nindong kalag, asin sa bilog nindong kosog.

Josue 23:11

Kaya kamotan nanggad nindo an Kagurangnan na saindong Dios.