Deuteronomio 30:10 - Marahay na Bareta Biblia

¹⁰ alagad kaipuhan kuyogon nindo siya dangan otobon an gabos niyang togon saka pagboot na nasusurat sa librong ini nin mga katukdoan. Kaipuhan magbalik kamo sa Kagurangnan na saindong Dios sa bilog nindong puso.

Deuteronomio 30:10 ပူးပေါင်းရင်းမြစ်များ

Nehemias 1:9

Alagad kun magbalik kamo sako asin magkuyog kan mga togon na itinao ko, titiponon ko kamo asin dadarahon sa lugar na pinili kong pagsambahan sako, maski pa magkawararak kamo sa mga poro nin kinaban.’

Ezekiel 18:21

“Kun an maraot na tawo mag-ontok sa saiyang pagkakasala dangan mag-otob kan sakong mga pagboot, asin maggibo kan matanos saka marahay, dai siya magagadan; totoong mabubuhay siya.

Ezekiel 33:11

Sabihan mo sinda na mantang ako, an Kagurangnan Dios na buhay, dai ako naoogma kun nagagadan an sarong parakasala; kundi boot kong mag-ontok siya sa pagkakasala dangan mabuhay. Israel, ontoka an karatan na saimong ginigibo. Tadaw ta boot mong magadan?

Ezekiel 33:14

Pwede kong patanidan an sarong tampalasan na siya magagadan, alagad kun ontokon niya an saiyang pagkakasala dangan maggibo siya nin matanos saka marahay—

Ezekiel 33:19

Kun ontokon kan sarong tampalasan an paggibo nin karatan, dangan maggibo siya nin matanos saka tama, mabubuhay siya huli kaiyan.

Zacarias 6:15

Maarabot an mga nag-eerok sa harayong lugar asin matarabang sinda sa pagpatindog giraray kan Templo nin Kagurangnan. Kun mahaman na iyan, maaaraman nindo na an Kagurangnan nin mga hukbo iyo an nagsugo sako sa saindo. Mangyayari an gabos na ini kun bilog nindong kukuyogon an mga pagboot kan Kagurangnan na saindong Dios.

Mga Gibo 26:20

Naghulit ako, enot sa Damasco, sunod sa Jerusalem dangan sa bilog na rehiyon nin Judea. Naghulit man ako sa mga pagano, tanganing magbakle saka magbalik sinda sa Dios, asin ipahiling sa gibo na sinda nagbakle.

Mga Gibo 3:19

Kaya magbakle kamo asin magbalik sa Dios, tanganing patawadon niya an saindong mga kasalan, saka tawan kamo kan Kagurangnan nin kosog na espiritwal,

1 Corinto 7:19

Mayong halaga kun an tawo pagkaniserkomsisyonado o bako; an mahalaga iyo an pagkuyog kan mga katogonan nin Dios.

Deuteronomio 29:21

Isisiblag siya nin Kagurangnan hale sa komunidad nin Israel tanganing ipanamit saiya an gabos na maldisyon kan tipan na nasusurat sa librong ini nin mga katukdoan.

Deuteronomio 30:11

“Bako man dipisil an pag-otob asin pagsabot kan mga togon na itinatao ko saindo ngunyan na aldaw.

Deuteronomio 30:2

Kun kamo asin an saindong mga kapagarakian magbalik sa Kagurangnan na saindong Dios, asin kun kuyogon nindo sa bilog nindong puso an mga pagboot na itinatao ko saindo ngunyan,

Deuteronomio 30:8

Kukuyogon giraray nindo siya saka ootobon an gabos niyang togon na itinatao ko saindo ngunyan.

Deuteronomio 4:29

Hihidawon nindo duman an Kagurangnan na saindong Dios, asin kun hahanapon nindo siya sa bilog nindong puso, makukua nindo siya.

Deuteronomio 6:5

Kamotan nindo an Kagurangnan na saindong Dios sa bilog nindong puso, sa bilog nindong kalag, asin sa bilog nindong kosog.