Deuteronomio 3:9 - Marahay na Bareta Biblia

⁹ Sirion an apod kan mga taga Sidon sa Bukid nin Hermon, mantang Senir an apod kaini kan mga Amoreo.)

Deuteronomio 3:9 ပူးပေါင်းရင်းမြစ်များ

1 Mga Cronica 5:23

An kabanga kan tribu ni Manases na nasa sirangan nag-erok sa teritoryo nin Basan sagkod sa Baal-hermon, Senir, asin Bukid nin Hermon. Padagos an saindang pagdakul.

Salmo 133:3

Kabaing iyan sa ambon sa ibabaw kan bukid nin Hermon, na minahugpa sa kabukidan nin Sion. Duman nanuga an Kagurangnan kan saiyang bendisyon— buhay na daing kataposan.

Salmo 29:6

Pinapalukso niya an kabukidan nin Lebanon siring sa ogbon na baka; siring sa torilyong baka an Bukid nin Hermon.

Salmo 42:6

An sakong kalag mamondoon, kaya ika, O Dios, sakong ginigiromdom hale sa Jordan asin sa Hermon, patin sa Bukid nin Mizar.

Salmo 89:12

An amihan asin an habagat saimong linalang; an Tabor asin an Hermon maogmang minaomaw kan saimong ngaran.

Awit nin mga Awit 4:8

Sakong agom, umiba ka sako hale sa kabukidan nin Lebanon; umiba ka sako hale sa Lebanon. Lumogsot ka hale sa alitoktok kan Bukid nin Amana, hale sa Bukid nin Senir asin Bukid nin Hermon, saen nag-eerok an mga leopardo asin mga leon.

Ezekiel 27:5

An ginamit nindang mga tabla mga kahoy nin pino na gikan sa Bukid nin Hermon, asin an palo kaiyan sarong kahoy na sedro na hale sa Lebanon.

Josue 11:17

An teritoryo minapoon sa Bukid nin Halak sa habagat harani sa Edom, sagkod sa Baal-gad sa amihan, sa Kapantayan nin Lebanon sa habagat kan Bukid nin Hermon. Haloy na nakigera si Josue sa mga hade kan teritoryong idto, alagad nabihag niya sinda gabos asin saiyang ginadan.