Deuteronomio 3:28 - Marahay na Bareta Biblia

²⁸ Itukdo mo ki Josue an gigibohon niya asin pakosogon mo an saiyang boot, huli ta siya an mangengenot sa mga tawo sa pagsakop kan daga na saimong mahihiling.’

Deuteronomio 3:28 ပူးပေါင်းရင်းမြစ်များ

1 Mga Cronica 22:6

Dangan ipinaapod ni David si Solomon na saiyang aking lalaki, asin pinagbotan ini na magpatugdok nin templo para sa Kagurangnan, an Dios nin Israel.

1 Mga Cronica 28:20

Dangan sinabihan ni David si Solomon na saiyang aki, “Pagmakosog asin pagmaisog. Gibohon mo an trabaho; dai ka matakot ni manluya an boot, huli ta iibahan ka kan Kagurangnan Dios, na sakuyang pinaglilingkodan. Dai ka niya papabayaan sagkod na matapos an gabos na trabaho sa Templo.

Juan 1:17

An Katogonan itinao nin Dios sa paagi ni Moises, alagad an biyaya asin katotoohan nag-abot sa paagi ni Jesu-Cristo.

Mga Gibo 7:45

Minana idto kan satong mga ginikanan, dinara sa daga na kinua ninda sa mga tawong ipinadaog nin Dios sa pangengenot ni Josue. Nagdanay iyan duman sagkod sa panahon ni David

Deuteronomio 1:37

Huli saindo, naanggot man sako an Kagurangnan asin nagtaram, ‘Maski ika, Moises, dai makakaabot duman.

Deuteronomio 1:38

Alagad pakosoga an boot kan saimong katabang na si Josue na aki ni Nun. Siya an mangengenot sa Israel sa pagsakop kan daga.’

Deuteronomio 31:23

Dangan sinugo nin Kagurangnan si Josue, na aki ni Nun, asin tinaraman, “Magmaisog ka asin pakosoga an saimong boot. Papangenotan mo an banwaan nin Israel pasiring sa daga na ipinanuga ko sainda, asin iibahan taka.”

Deuteronomio 31:3

An Kagurangnan na saindong Dios mismo an mangengenot saindo asin matunaw kan mga nasyon na nag-eerok duman tanganing masadirihan nindo an saindang daga. Sosog sa itinaram nin Kagurangnan, si Josue an magigin lider nindo.

Deuteronomio 31:7

Dangan inapod ni Moises si Josue asin sinabihan sa atubang kan bilog na banwaan nin Israel, “Magmaisog ka saka pakosoga an saimong boot; ika an mangengenot sa mga tawong ini sa pagsakop kan daga na ipinanuga nin Kagurangnan sa saindang mga ginikanan.

Hebreyo 4:8

Kun natawan ni Josue an mga Israelita nin pahingalo na ipinanuga nin Dios, dai na kutana ngapit nagtaram an Dios dapit sa ibang aldaw.

Josue 1:2

“An sorogoon kong si Moises gadan na. Kaya mag-andam na kamo, ika asin an gabos na Israelita, dangan balyohon nindo an Salog nin Jordan pasiring sa daga na itinatao ko sa banwaan nin Israel.