Deuteronomio 3:26 - Marahay na Bareta Biblia

²⁶ “Alagad huli saindo, naanggot sakuya an Kagurangnan asin dai niya ako dinangog. Nagtaram siya sako, ‘Ontok diyan! Dai mo na pagsambiton sakuya an bagay na iyan.

Deuteronomio 3:26 ပူးပေါင်းရင်းမြစ်များ

1 Mga Cronica 17:4

“Lakaw asin sabihan mo si David na sakong sorogoon, ‘Siring an itinaram nin Kagurangnan: Bakong ika an mapatugdok nin templo na sakuyang eerokan.

Mateo 20:22

Sinimbag sinda ni Jesus, “Dai nindo aram kun ano an hinahagad nindo. Maiinom daw nindo an kalis na sakong iinomon?” Nagsimbag sinda, “Opo.”

Mateo 26:39

Nag-oroenotan pa siya, nagdapa sa daga saka namibi, “Ama ko, kun mahihimo pa sana, palihisa sako an kalis na ini! Alagad bakong an kabotan ko kundi an kabotan mo an kuyogon.”

2 Corinto 12:8

Tolong beses akong namibi sa Kagurangnan na paomayan niya ako.

Deuteronomio 1:37

Huli saindo, naanggot man sako an Kagurangnan asin nagtaram, ‘Maski ika, Moises, dai makakaabot duman.

Deuteronomio 31:2

Nagsabi siya, “Syento beynteng taon na an sakuyang edad asin dai ko na kaya an magin lider nindo. Laen pa kaiyan, nagtaram sako an Kagurangnan na dai ako magbalyo sa Jordan.

Deuteronomio 34:4

Dangan nagtaram an Kagurangnan ki Moises, “Iyo iyan an daga na sakong ipinanuga ki Abraham, ki Isaac asin ki Jacob na itatao sa saindang mga kapagarakian. Ipinapahiling ko iyan saimo, alagad dai taka tutugotan na makaabot duman.”