Deuteronomio 3:20 - Marahay na Bareta Biblia

²⁰ Tabangan nindo an saindong kapwa Israelita sagkod na masakop ninda an daga na itinatao sainda nin Kagurangnan duman sa solnopan kan Jordan, asin sagkod na tugotan sinda nin Kagurangnan na mag-erok duman nin matoninong, arog kan ginibo niya digdi para saindo. Pakatapos, magpuli na kamo digdi sa daga na itinao ko saindo.’

Deuteronomio 3:20 ပူးပေါင်းရင်းမြစ်များ

Mga Bilang 32:18

Dai kami mapuli sa samong mga harong sagkod na dai pa nasasadirihan kan kapwa mi Israelita an dagang kahirasan ninda.

Mga Bilang 32:22

asin masadirihan an daga. Pakatapos kaiyan, pwede na kamong magpuli, huli ta naotob na nindo an saindong katongdan sa Kagurangnan asin sa saindong kapwa Israelita. Dangan mimidbidon nin Kagurangnan na an dagang ini sa sirangan nin Jordan kahirasan nindo.

Deuteronomio 12:9

huli ta dai pa kamo nakakalaog sa daga na itinatao saindo nin Kagurangnan na saindong Dios, saen mag-eerok kamo nin matoninong.

Deuteronomio 3:21

“Dangan sinabihan ko si Josue: ‘Nahiling mo an ginibo nin Kagurangnan na saimong Dios sa duwang hadeng si Sihon asin si Og; arog man kaiyan an saiyang gigibohon sa kiisay man na kagsadiri kan daga na saimong sasalakayon.

Josue 1:15

sagkod na masakop ninda an dagang nasa solnopan kan Jordan, daga na itinatao sainda nin Kagurangnan na saindang Dios. Kun an gabos na tribu nin Israel tawan na kan Kagurangnan nin kapahingaloan, pwede na kamong magbalik digdi asin mag-erok sa daga na nasa sirangan kan Jordan, daga na itinao saindo ni Moises na sorogoon nin Kagurangnan.”

Josue 22:2

asin sinabihan, “Nagibo na nindo an gabos na ipinagboot saindo ni Moises na sorogoon nin Kagurangnan asin kinuyog nindo an gabos kong pagboot.

Josue 22:4

Ngunyan, an kapwa nindo Israelita tinawan na nin katoninongan nin Kagurangnan na saindong Dios, siring sa saiyang panuga. Kaya magbalik na kamo sa dagang pinili nindo bilang kahirasan, an daga sa sirangan kan Jordan na itinao saindo ni Moises, na sorogoon nin Kagurangnan.

Josue 22:9

Kaya nagpuli an mga tribu ni Ruben, Gad, asin an kabangang tribu ni Manases. An ibang Israelita binayaan ninda sa Shilo, sa daga nin Canaan, asin nagbalik sinda sa sadiri nindang daga, sa daga nin Gilead na nagin kahirasan ninda siring sa ipinagboot nin Kagurangnan sa paagi ni Moises.