Deuteronomio 28:9 - Marahay na Bareta Biblia

⁹ “Kun kuyogon nindo an Kagurangnan na saindong Dios asin kun gibohon nindo an mga ipinagboboot niya, gigibohon niya kamong sadiri niyang banwaan siring sa saiyang ipinanuga.

Deuteronomio 28:9 ပူးပေါင်းရင်းမြစ်များ

Genesis 17:7

“Ootobon ko an panuga ko saimo asin sa saimong mga kapagarakian sa mga maabot na henerasyon bilang sarong daing kataposan na tipan. Ako an magigin Dios mo asin kan saimong mga kapagarakian.

Salmo 87:5

Sasabihon manongod sa Sion na kaayon digdi an gabos na nasyon, asin papakosogon siya nin Kahorohalangkawe.

Exodo 15:26

Nagtaram siya, “Kun bilog na puso nindo akong susunodon huli kan paggibo nin matanos asin huli sa pag-otob kan sakong mga togon saka mga pagboot, dai ko kamo papadusahan kan arin man sa mga kahelangan na ipinadara ko sa mga Egipcio. Ako, an Kagurangnan an saindong parabolong.”

Isaias 1:26

Dangan ibabalik ko an saimong mga hukom siring kaidto, asin man an saimong mga parahatol siring sa kapinonan. Dangan aapodon kang syudad nin katanosan, an maimbod na syudad.”

Isaias 62:12

Aapodon kang “An Banal na Banwaan nin Dios,” “An Banwaan na Ilinigtas nin Kagurangnan.” An Jerusalem aapodon “An Syudad na Namomotan nin Dios,” “An Syudad na Dai Pinabayaan nin Dios.”

Jeremias 11:5

Dangan ootobon ko an panuga na ginibo ko sa saindang mga ginikanan, na itatao ko sainda an mayaman saka matubang na daga na ngunyan pagsadiri na ninda.” Nagsimbag ako, “Opo, Kagurangnan.”

Deuteronomio 13:17

Dai kamo magtago nin ano man na pinagkondenar na raoton, tanganing dai maanggot kundi maherak saindo an Kagurangnan. Maheherak siya saindo asin papadakulon niya kamo siring sa panuga niya sa saindong mga ginikanan,

Deuteronomio 7:6

Gibohon nindo iyan huli ta sadiri kamo nin Kagurangnan na saindong Dios. Hale sa gabos na banwaan sa kinaban, pinili niya kamo na magin saiyang sadiring banwaan.

Deuteronomio 7:8

Alagad namotan kamo nin Kagurangnan asin boot niyang otobon an panuga niya sa saindong mga ginikanan. Ini an dahelan kun tano ta huli kan saiyang mapangyaring kamot, ilinigtas niya kamo asin binalukat sa kaoripnan sa kamot kan hade nin Egipto.

2 Tesalonica 3:3

Alagad maimbod an Kagurangnan. Papakosogon niya kamo saka ililikay sa Maraot.

Tito 2:14

Idinolot niya an saiyang buhay para sato, tanganing iligtas kita sa gabos na kasalan asin linigan na magin saiya sanang banwaan, na maigot sa paggibo nin marahay.

1 Pedro 5:10

Alagad pakatios nindo sa halipot na panahon, an Dios nin gabos na biyaya, na nag-apod saindo para sa saiyang mayong kataposan na kamurawayan diyan ki Cristo, iyo an matao saindo kan kapanoan nin buhay, kosog asin pagsarig.