Deuteronomio 28:4 - Marahay na Bareta Biblia

⁴ “Bebendisyonan nin Kagurangnan an saindong mga aki, mga ani asin mga hayop; papadakulon niya an saindong mga baka saka mga karnero.

Deuteronomio 28:4 ပူးပေါင်းရင်းမြစ်များ

Genesis 22:17

Minasumpa ako na tatawan taka nin mga kapagarakian na siring kadakul kan mga bitoon sa langit asin kan baybay sa tampi kan dagat. Dadaogon kan saimong mga kapagarakian an saindang mga kaiwal,

Genesis 39:5

Poon kaidto, huli ki Jose, benendisyonan nin Kagurangnan an harong kan Egipcio asin an gabos na pagsadiri kaini.

Genesis 49:25

An Dios nin saimong ama iyo an nagtatabang saimo An Makakamhan na Dios an nagbebendisyon saimo; Mga bendisyon nin uran hale sa itaas, Asin nin katubigan sa irarom nin daga, Bendisyon nin mga hayop saka nin mga aki.

Salmo 107:38

Benendisyonan niya an saiyang banwaan, asin nagdakul sinda; dai niya itinugot na magdiit an saindang mga hayop.

Salmo 127:3

An mga aki pamanang gikan sa Kagurangnan; sinda tunay na mga biyaya.

Salmo 128:3

An saimong agom makakaarog sa ubas na namumunga sa laog nin saimong harong, asin an saimong kaakian makakaarog sa sadit pang mga kahoy na oliba sa palibot kan saimong lamesa.

Mga Talinhaga 10:22

An bendisyon nin Kagurangnan nakakapayaman, asin dai niya iyan dinadagdagan nin kamondoan.

Mga Talinhaga 13:22

An marahay na tawo magwawalat nin pamana sa saiyang mga makoapo, alagad an kayamanan kan parakasala mapapasakamot kan matanos.

Mga Talinhaga 20:7

Paladan an mga aki na igwa nin ama na onesto saka matanos.

Levitico 26:9

Bebendisyonan ko kamo saka tatawan nin dakul na aki; ootobon ko an sakong tipan sa saindo.

Deuteronomio 28:11

Papauswagon niya kamo sa daga na ipinanuga niya sa saindong mga ginikanan na itatao saindo. Papadakulon niya an saindong mga aki, mga hayop asin an mga bunga kan daga.

Deuteronomio 28:18

“‘Mamaldisyonon nin Kagurangnan an saindong mga aki, mga ani sagkod mga hayop.

Deuteronomio 28:3

“Bebendisyonan nin Kagurangnan an saindong mga banwa saka kaomahan.

Deuteronomio 28:5

“Bebendisyonan nin Kagurangnan an saindong mga ani asin an pagkakan na aandamon nindo hale sa mga ini.

Deuteronomio 7:13

Mamomotan niya kamo asin bebendisyonan, tanganing magdakul an saindong kaakian; bebendisyonan niya an saindong kaomahan, tanganing magkaigwa kamo nin ani, arak saka lana nin oliba; papadakulon niya an saindong mga baka sagkod mga karnero. Iwawaras niya saindo an mga bendisyon na ini duman sa dagang ipinanuga niya sa saindong mga ginikanan na itatao sa saindo.

1 Timoteo 4:8

Huli ta kun igwa nin halaga an pagpakosog sa hawak, may halaga an pagpakosog sa kabanalan, huli ta ini may panuga para sa buhay ngunyan asin para sa buhay na madatong.