Deuteronomio 28:2 - Marahay na Bareta Biblia

² Kuyogon nindo an Kagurangnan na saindong Dios asin mapapasaindo an mga bendisyon na ini:

Deuteronomio 28:2 ပူးပေါင်းရင်းမြစ်များ

Salmo 128:4

Siring kaiyan kapaladan an tawong natatakot sa Kagurangnan.

Zacarias 1:6

Sa paagi kan sakong mga sorogoon, an mga propeta, an saindong mga ginikanan tinawan ko nin mga pagboot asin mga patanid, alagad dai ninda iyan pinahalagahan, kaya nagtios sinda bilang bunga kan dai ninda pagkuyog. Dangan nagbakle sinda asin nag-ako na ako, an Kagurangnan nin mga hukbo, iyo an nagpadusa sa sainda sosog sa maninigo sainda asin siring sa desisyon ko.’”

Deuteronomio 11:27

sarong bendisyon kun kuyogon nindo an mga pagboot nin Kagurangnan na saindong Dios na itinatao ko saindo ngunyan;

Deuteronomio 28:15

“Alagad kun magsombikal kamo sa Kagurangnan na saindong Dios, asin dai kamo magmaimbod sa pagkuyog kan gabos niyang togon saka pagboot na itinatao ko saindo ngunyan na aldaw, maabot saindo an mga maldisyon na ini:

Deuteronomio 28:3

“Bebendisyonan nin Kagurangnan an saindong mga banwa saka kaomahan.

Deuteronomio 28:45

“Maabot saindo an mga maldisyon na ini asin magdadanay iyan saindo sagkod na kamo magadan, huli ta dai kamo nagkuyog sa Kagurangnan na saindong Dios, asin dai kamo nag-otob kan saiyang mga togon saka pagboot.

1 Timoteo 4:8

Huli ta kun igwa nin halaga an pagpakosog sa hawak, may halaga an pagpakosog sa kabanalan, huli ta ini may panuga para sa buhay ngunyan asin para sa buhay na madatong.