Deuteronomio 28:1 - Marahay na Bareta Biblia

¹ “Kun magkuyog kamo sa Kagurangnan na saindong Dios asin maimbod na mag-otob kan saiyang mga pagboot na itinatao ko saindo ngunyan na aldaw, gigibohon niya kamong pinakadakula sa gabos na nasyon sa daga.

Deuteronomio 28:1 ပူးပေါင်းရင်းမြစ်များ

1 Mga Cronica 14:2

Kaya nasabotan ni David na ibinugtak na siya nin Kagurangnan bilang hade nin Israel, asin na pinapauswag nin Kagurangnan an saiyang kahadean para sa banwaan nin Israel.

Salmo 106:3

Paladan an mga nag-ootob kan saiyang kabotan, an danay na naggigibo nin katanosan.

Salmo 111:10

An pagkatakot sa Kagurangnan iyo an kapinonan nin kadonongan; igwa nin marahay na pakasabot an mga naggigibo kaiyan. An saiyang kaomawan magdadanay sagkod pa man!

Salmo 119:128

Kaya sinusunod ko an gabos mong katukdoan; naoongis ako sa gabos na salang dalan.

Salmo 119:6

Kaya ngapit dai ako mapapasopog, huli ta inootob ko an gabos mong kabotan.

Salmo 148:14

Pinakosog niya an saiyang nasyon, kaya inoomaw siya kan saiyang mga banal, kan banwaan nin Israel na saiyang namomotan. Omawon an Kagurangnan!

Salmo 91:14

“Ililigtas ko siya, huli ta ako saiyang namomotan,” olay nin Kagurangnan. “Aatamanon ko siya, huli ta aram niya an sakong ngaran.

Exodo 15:26

Nagtaram siya, “Kun bilog na puso nindo akong susunodon huli kan paggibo nin matanos asin huli sa pag-otob kan sakong mga togon saka mga pagboot, dai ko kamo papadusahan kan arin man sa mga kahelangan na ipinadara ko sa mga Egipcio. Ako, an Kagurangnan an saindong parabolong.”

Exodo 23:22

Alagad kun sunodon nindo siya asin gibohon an gabos kong itinaram, lalabanan ko an gabos nindong kaiwal.

Exodo 23:25

Kun ako, an Kagurangnan na saindong Dios, iyo sana an saindong sasambahon, bebendisyonan ko an saindong pagkakan asin inomon; dangan hahaleon ko saindo an gabos na helang.

Isaias 1:19

Kun magkuyog ka sana kuta sako, magkakakan ka kan marahay na mga bunga kan daga.

Isaias 3:10

Magigin maogma an mga matanos asin magigin marahay an saindang kamugtakan, huli ta magkakakan sinda kan bunga nin saindang kapagalan.

Jeremias 11:4

Iyo ini an tipan na ginibo ko sa saindang mga ginikanan kan iluwas ko sinda sa Egipto, an daga na garo sarong nagkakalayong horno sa sainda. Tinaraman ko sinda na kuyogon ninda ako saka gibohon an gabos na pagboot ko. Nagtaram pa ako na kun magkuyog sinda, magigin banwaan ko sinda asin ako an magigin Dios ninda.

Jeremias 12:16

Kun bilog na puso nindang aakoon an pagtubod kan sakong banwaan saka manumpa nin ‘Siring na nabubuhay an Kagurangnan,’—arog kan itinukdo ninda sa sakong banwaan na pagsumpa ki Baal—magigin kaayon sinda kan sakong banwaan saka magigin mauswag sinda.

Jeremias 17:24

“Sabihan mo an mga tawong ini na dapat nindang kuyogon an gabos kong pagboot. Dai nanggad sinda magdara nin anoman sa paglaog sa mga trangkahan kan syudad na ini kun Sabbath. Dapat nindang ipaglehe an Sabbath bilang sarong banal na aldaw asin dai nanggad sinda magtrabaho.

Lukas 1:6

An mag-agom na ini parehong banal; nagkukuyog sinda kan gabos na katogonan asin pagboot nin Kagurangnan.

Lukas 11:28

Alagad nagsimbag si Jesus, “Orog na paladan an mga nagdadangog kan tataramon nin Dios asin nag-ootob kaiyan!”

Lukas 9:48

saka nagsabi sainda, “An siisay man na minaako sa aking ini sa ngaran ko, minaako sako; an siisay man na minaako sako, minaako sa nagsugo sako. Huli ta an pinakasadit saindo, iyo an pinakadakula.”

Juan 15:14

Mga katood ko kamo kun gibohon nindo an mga ipinagboboot ko saindo.

Roma 2:7

An mga tawong padagos na naggigibo nin marahay, saka naghahanap nin kamurawayan, nin kaomawan asin buhay na daing kagadanan, tatawan nin Dios nin buhay na daing kataposan.

Galacia 3:10

An mga nagsasarig sa pagkuyog kan Katogonan nasa pag-alaman nin maldisyon. Huli ta nasusurat, “An siisay man na dai naggigibo kan gabos na nasusurat sa libro kan Katogonan nasa pag-alaman nin maldisyon!”

Deuteronomio 11:13

“Kaya kuyogon nanggad nindo an gabos na togon na itinao ko saindo ngunyan; kamotan nindo an Kagurangnan na saindong Dios asin paglingkodan nindo siya sa bilog nindong puso.

Deuteronomio 11:27

sarong bendisyon kun kuyogon nindo an mga pagboot nin Kagurangnan na saindong Dios na itinatao ko saindo ngunyan;

Deuteronomio 15:5

kun kuyogon nindo siya asin otobon an gabos na ipinagboboot ko saindo ngunyan.

Deuteronomio 26:18

Ngunyan na aldaw inako kamo nin Kagurangnan bilang saiyang sadiring banwaan siring sa saiyang ipinanuga saindo. Ipinagboboot niya na kuyogon nindo an gabos niyang togon,

Deuteronomio 26:19

tanganing gibohon niya kamong pinakadakula sa gabos na nasyon na saiyang linalang, asin magdadara kamo nin kaomawan saka onra sa saiyang ngaran. Kamo an magigin sadiring banwaan nin Kagurangnan na saindong Dios siring sa saiyang ipinanuga.”

Deuteronomio 28:13

Gigibohon nin Kagurangnan na kamo an magin lider kan mga nasyon asin bakong parasunod. Padagos kamong mag-uuswag asin dai nanggad kamo madadaog kun maimbod na magkuyog kamo kan mga togon nin Kagurangnan na itinatao ko saindo ngunyan na aldaw.