Deuteronomio 27:26 - Marahay na Bareta Biblia

²⁶ “‘Maldisyonon an siisay man na dai magkuyog kan gabos na togon saka katukdoan nin Dios.’ “Dangan an bilog na banwaan masimbag, ‘Amen!’

Deuteronomio 27:26 ပူးပေါင်းရင်းမြစ်များ

2 Mga Hade 22:13

“Magduman kamo dangan hapoton nindo an Kagurangnan para sako para sa banwaan, asin para sa gabos na taga Juda manongod sa mga tataramon na yaon sa librong ini. Anggot sato an Kagurangnan huli ta dai kinuyog kan satong mga ginikanan an dapat na gibohon siring sa sinasabi kan librong ini.”

Esdras 7:26

An siisay man na maglapas kan Katogonan nin saimong Dios asin kan mga katogonan kan imperyo, papadusahan tolos sa paagi nin kagadanan o pagtapok o pag-embargo kan pagrogaring o pagkabilanggo.”

Salmo 119:21

Saimong tinutuyaw an mga mapaabaw-abaw, mga isinumpa, na naglalapas kan saimong mga pagboot.

Ezekiel 18:24

“Alagad kun an sarong matanos na tawo mag-ontok sa paggibo nin marahay dangan magpoon sa paggibo nin maraot saka makauuyam na mga bagay na ginigibo kan mga tampalasan, padagos daw siyang mabubuhay? Dai! Mayo sa mga matanos na bagay na ginibo niya an magigiromdoman. Magagadan siya, huli ta dai siya nagin maimbod asin huli kan saiyang mga kasalan.

Mateo 25:41

“Dangan masabi siya sa mga tawong nasa wala niya, ‘Humarayo kamo sako, mga minaldisyon! Dumuman kamo sa daing kataposan na kalayo na inandam para sa Diablo asin sa saiyang mga anghel!

Roma 10:5

Ini an sinurat ni Moises mapadapit sa kun paano nagigin matanos an tawo sa Dios huli sa pagkuyog kan Katogonan: “An nag-ootob kan Katogonan mabubuhay huli kaiyan.”

1 Corinto 16:22

An siisay man na dai namomoot sa Kagurangnan, maldisyonon man logod! Maranatha—madya, samong Kagurangnan!

2 Corinto 3:9

Kun an Katogonan na nagdadara nin kagadanan nag-abot na may nakasusulang liwanag, orog pa an liwanag kun mag-abot an Espiritu na nagdadara nin katanosan!

Galacia 3:10

An mga nagsasarig sa pagkuyog kan Katogonan nasa pag-alaman nin maldisyon. Huli ta nasusurat, “An siisay man na dai naggigibo kan gabos na nasusurat sa libro kan Katogonan nasa pag-alaman nin maldisyon!”

Deuteronomio 27:15

“‘Maldisyonon an siisay man na maggibo nin ladawan na gapo, kahoy o metal, asin hilom na magsamba kaiyan; ikinakaongis nin Kagurangnan an pagsamba sa mga dios-dios.’ “Dangan an bilog na banwaan masimbag, ‘Amen!’