Deuteronomio 27:2 - Marahay na Bareta Biblia

² Sa aldaw na makabalyo kamo sa Salog nin Jordan asin makalaog sa daga na itinatao saindo nin Kagurangnan na saindong Dios, magtambak kamo nin mga darakulang gapo, na saindong sesementohon sa palibot,

Deuteronomio 27:2 ပူးပေါင်းရင်းမြစ်များ

An Libro ni Job 19:24

Sa paagi nin tigib ikaukit logod iyan sa gapo asin ikasurat tanganing magdanay sagkod lamang.

Ezekiel 11:19

Tatawan ko sinda nin bagong puso asin espiritu. Hahaleon ko sa sainda an sutil na pusong gapo asin riribayan ko iyan nin makinuyog na pusong laman.

Ezekiel 36:26

Tatawan ko kamo nin bagong puso, asin bubugtakan ko kamo nin bagong espiritu. Hahaleon ko sa saindo an sutil na pusong gapo asin tatawan ko kamo nin pusong makinuyog.

Deuteronomio 11:31

Madali na nindong balyohon an Salog nin Jordan asin sakopon an dagang itinatao saindo nin Kagurangnan na saindong Dios. Kun masadirihan na nindo an daga asin mag-erok na kamo duman,

Deuteronomio 26:1

“Kun masakop na nindo an daga na itinatao saindo nin Kagurangnan na saindong Dios, asin kun duman na kamo nag-eerok,

Deuteronomio 27:1

Dangan kaiba an mga lider nin Israel nagsabi si Moises sa mga tawo, “Kuyogon nindo an gabos na pagboot na itinatao ko saindo ngunyan na aldaw.

Deuteronomio 27:3

asin duman nindo isusurat an gabos na togon saka katukdoan. Kun makalaog na nindo an daga na ipinanuga nin Kagurangnan, an Dios kan saindong mga ginikanan, daga na mayaman sa gabos na bagay,

Deuteronomio 27:4

asin nasa ibong na kamo kan Jordan, tambakon nindo an mga gapong iyan sa Bukid nin Ebal siring sa itinutukdo ko saindo ngunyan, dangan saindong sementohon.

Deuteronomio 6:1

“Iyo ini an gabos na togon na ipinagboot nin Kagurangnan, na saindong Dios, na itukdo ko saindo. Otobon nindo ini duman sa daga na saindong lalaogon asin sasadirihon.

Deuteronomio 9:1

“Paghinanyog kamo, banwaan nin Israel! Ngunyan na aldaw babalyohon nindo an Salog nin Jordan asin sasakopon an daga na pagsadiri kan mga nasyon na mas dakula asin mapangyari ki sa saindo. Darakula an saindang mga syudad na napapalibotan nin mga kudal na nakakaabot na sa langit.

Josue 1:11

liboton an bilog na kampo asin sabihan an mga tawo, “Mag-andam kamo nin mga pagkakan, huli ta sa laog nin tolong aldaw mabalyo kamo sa Salog nin Jordan tanganing sakopon an dagang itinatao saindo nin Kagurangnan na saindong Dios.”

Josue 4:1

Kan makabalyo na sa Jordan an bilog na Israel, nagtaram an Kagurangnan ki Josue,

Josue 8:30

Dangan nagpatindog si Josue nin sarong altar sa Bukid nin Ebal para sa Kagurangnan, an Dios nin Israel.

Josue 8:31

Ginibo niya ini siring sa ipinagboot ni Moises sa mga Israelita, siring sa sinasabi sa Katogonan ni Moises: “sarong altar na gibo sa gapo na dai sinapsapan nin lansang na kasangkapan.” Sa ibabaw kan altar na idto nagdolot sinda sa Kagurangnan nin mga tinutong na atang asin mga dolot para sa katoninongan.

Josue 8:32

Sa lugar na idto, sa atubang kan mga Israelita, inukit ni Josue sa mga gapo an katogonan na sinurat ni Moises.