Deuteronomio 27:18 - Marahay na Bareta Biblia

¹⁸ “‘Maldisyonon an siisay man na magkabit sa sarong buta pasiring sa salang dalan.’ “Dangan an bilog na banwaan masimbag, ‘Amen!’

Deuteronomio 27:18 ပူးပေါင်းရင်းမြစ်များ

Genesis 27:12

Tibaad hapiyapon ako kan sakong ama asin maaraman niyang dinadaya ko siya; kaya embes na bendisyon, sumpa an mapasako.”

An Libro ni Job 29:15

Ako an nagin mata kan buta asin an nagin mga bitis kan pilay.

Mga Talinhaga 28:10

An magdagka sa matanos na maggibo nin maraot mahuhulog sa sadiri niyang kalot. Alagad an mga mayong kasalan magmamana nin mga marahay na bagay.

Isaias 56:10

Nagsasabi siya, “Buta an gabos na lider na iyo kutana an mapatanid sa sakong banwaan! Mayo sindang naaaraman. Arog sinda sa mga ayam na dai nagbabatok—mayo sindang ginigibo kundi maghigda saka mangatorogan. Boot sana nindang magkatorog.

Levitico 19:14

Dai nindo pagmaldisyonon an sarong bongog o pagbugtakan nin singkogan an sarong buta tanganing matumba siya; alagad magkaigwa kamo nin pagkatakot sako. Ako an Kagurangnan.

Mateo 15:14

Pabayae sana nindo sinda; mga buta sindang giya. Kun an sarong buta magkabit nin kapwa buta, pareho sindang mahuhulog sa kalot.”

Deuteronomio 27:19

“‘Maldisyonon an siisay man na magbiko kan katanosan nin sarong nakikihimanwa, ilo, asin babaeng balo.’ “Dangan an bilog na banwaan masimbag, ‘Amen!’

Kapahayagan 2:14

Alagad igwa ako nin nagkapirang bagay na masasabi tumang saimo: may iba diyan saindo na nagsusunod sa katukdoan ni Balaam, na nagtukdo ki Balac na magbuktak nin singkogan para sa mga Israelita kan dagkahon sindang magkakan kan inatang sa mga dios-dios saka maggibo nin karigsokan.