Deuteronomio 26:7 - Marahay na Bareta Biblia

⁷ Dangan nag-agrangay kami sa Kagurangnan, an Dios nin samong mga ginikanan. Dinangog niya kami asin nahiling niya an samong pagtios, kasakitan sagkod kaapihan.

Deuteronomio 26:7 ပူးပေါင်းရင်းမြစ်များ

Genesis 21:17

Nadangog nin Dios na naghihibi an aki, asin hale sa kalangitan tinaraman si Hagar kan anghel nin Dios, “Ano an problema mo, Hagar? Dai ka matakot; huli ta nadangog nin Dios an tingog kan saimong aki.

Genesis 29:32

Kaya nagbados si Lea asin nag-aki nin sarong lalaki na nginaranan niyang Ruben, huli ta nagsabi siya, “Nahiling nin Kagurangnan an sakong kasakitan asin ngunyan mamomotan na ako kan sakong agom.”

2 Samuel 16:12

Tibaad pa mahiling nin Kagurangnan an sakong pagtios asin matawan niya ako nin mga biyaya karibay kan saiyang pagmaldisyon.”

Salmo 119:132

Hilinga ako asin kaheraki siring kan saimong ginigibo sa mga namomoot saimo.

Salmo 31:8

Dai mo ako itinao sa sakong mga kaiwal, kundi an bitis ko pinamugtak mo sa mahiwas na lugar.

Salmo 50:15

Apodon mo ako sa aldaw nin kasakitan; ililigtas taka asin oomawon mo ako.”

Exodo 2:23

Pakalihis nin halawig na panahon, nagadan an hade nin Egipto, alagad an mga Israelita padagos na nasa kaoripnan. Kaya nag-agrangay sinda sa sobrang pagtios—inagrangay na nakaabot sa Dios.

Exodo 2:25

Nahiling niya an kamugtakan kan mga Israelita kaya naherak siya sainda.

Exodo 3:9

Nadangog ko an inagrangay kan sakong banwaan asin nahiling ko an pag-api sainda kan mga Egipcio.

Exodo 4:31

Nagtubod sinda, asin kan madangog ninda na dinalaw nin Kagurangnan an banwaan nin Israel saka nahiling an saindang kasakitan sa Egipto, nagduko sinda asin nagsamba.

Exodo 6:5

Ngunyan nadangog ko an inagrangay kan mga Israelita na inooripon kan mga Egipcio asin nagiromdoman ko an sakong tipan.

Jeremias 33:2

Tinaraman ako kan Kagurangnan, na naglalang kan daga saka nagporma kaiyan, asin nagbugtak kaiyan sa tamang lugar. Siya, na Kagurangnan an ngaran, nagtaram,

1 Samuel 9:16

“Sa aga, sa siring kaining oras, ipapadara ko saimo an sarong lalaki na gikan sa tribu ni Benjamin; lahidan mo siya bilang hade kan sakong banwaan na Israel. Siya an maligtas sainda sa mga Filisteo, huli ta nahiling ko an pagtios kan sakong banwaan asin nadangog ko an saindang inagrangay.”