Deuteronomio 26:5 - Marahay na Bareta Biblia

⁵ Dangan sasabihon nindo ini sa atubang nin Kagurangnan: ‘Sarong paralakaw na Arameo an sakong ama, na nagduman sa Egipto kaiba an saiyang pamilya tanganing mag-erok duman. Kadikit sana sinda na nagduman, alagad nagdakul sinda asin nagin sarong mapangyaring nasyon.

Deuteronomio 26:5 ပူးပေါင်းရင်းမြစ်များ

Genesis 12:2

Gigibohon takang sarong dakulang nasyon, bebendisyonan taka asin gigibohon kong bantog an saimong ngaran tanganing ika magin sarong bendisyon.

Genesis 24:4

Magbalik ka sa dagang namundagan ko asin an aki kong si Isaac ikua mo nin sarong agom hale sa sakong mga kadugo duman.”

Genesis 25:20

Kan kwarenta na an edad ni Isaac, inagom niya si Rebecca, na aking babae ni Betuel, na Arameong taga Mesopotamia, asin tugang na babae ni Laban.

Genesis 27:41

Anggot na marahay si Esau ki Jacob huli ta benendisyonan ini kan saiyang ama. Nagsaboot si Esau, “Madali na an panahon na ipagmomondo an kagadanan kan sakong ama; dangan ko gagadanon an tugang kong si Jacob.”

Genesis 28:5

Kaya pinaduman ni Isaac si Jacob sa Mesopotamia, ki Laban na aking lalaki ni Betuel na Arameo, na tugang ni Rebecca na ina ni Jacob asin ni Esau.

Genesis 31:20

Nadaya ni Jacob si Laban huli sa dai niya pagpaisi saiya na mahale na siya.

Genesis 31:24

Alagad sa sarong pangatorogan kan bangging idto, nagpahiling an Dios saiya asin nagtaram, “Laban, hare nanggad pagtakota si Jacob sa ano man na paagi.”

Genesis 31:40

Tinios ko an init kan aldaw asin an lipot kan banggi; dai na ako nagkakatorog.

Genesis 43:12

Magdara man kamo nin dobleng kantidad, huli ta kaipuhan na iuli nindo an kwartang ibinugtak sa saindong sako. Tibaad nasala sana an pagkalaog duman.

Genesis 45:11

Kun nasa Goshen ka na, maaataman taka. Lima pang taon an grabeng gutom; habo kong magutom kamo—ika, an saimong pamilya saka an saimong mga hayop.’”

Genesis 45:7

Enot akong ipinadara nin Dios ki sa saindo tanganing iligtas kamo sa makangalas na paaging ini, asin buhayon kamo sagkod an saindong kapagarakian.

Genesis 46:27

Duwa an nagin aki ni Jose sa Egipto, kaya setenta an nagin bilang kan gabos na kapagarakian ni Jacob sa Egipto.

Genesis 47:27

Nag-erok an mga Israelita sa Egipto, sa rehiyon nin Goshen; nagyaman asin nagdakul sinda duman.

Genesis 47:4

Nagdigdi kami tanganing makihimanwa sa dagang ini, huli ta makuri an gutom sa Canaan asin mayo nin masasabsab duman an samong mga hayop. Nakikimaherak kami na tugotan mong mag-erok kami sa rehiyon nin Goshen.”

Exodo 1:12

Alagad kun kasuarin pinasakitan an mga Israelita, lalo logod sindang nagdakul asin orog na nakalakop sa daga nin Egipto. Natakot an mga Egipcio sa mga Israelita

Exodo 1:5

Setenta gabos an kapagarakian ni Jacob. Si Jose na saro pa niyang aki, haloy na sa Egipto.

Exodo 1:7

Alagad an saindang kapagarakian, an mga Israelita, nagkaigwa nin dakul na mga aki kaya kuminosog sinda asin napano ninda an Egipto.

Oseas 12:12

Nagdulag an satong ginikanan na si Jacob pasiring sa Mesopotamia asin duman nag-agom. Nagtrabaho siya sa ibang tawo saka nag-ataman kan mga karnero kaini tanganing maagom an babaeng idto.

Oseas 12:13

Nagsugo an Kagurangnan nin sarong propeta tanganing iluwas an banwaan nin Israel sa Egipto asin tanganing atamanon sinda.

Mga Gibo 7:15

Kaya nagduman si Jacob sa Egipto; duman siya nagadan saka an satong mga ginikanan.

Deuteronomio 1:10

Ginibo nin Kagurangnan na saindong Dios na magdakul kamo siring sa mga bitoon sa langit.

Deuteronomio 10:22

Kan magduman sa Egipto an saindong mga ginikanan, setenta sana sinda; alagad ngunyan pinadakul kamo nin Kagurangnan na saindong Dios siring sa mga bitoon sa langit.

Deuteronomio 26:4

“Kukuahon saindo kan padi an basket asin ibubugtak niya iyan sa atubang kan altar nin Kagurangnan na saindong Dios.

Deuteronomio 7:7

“Namotan asin pinili kamo nin Kagurangnan bakong huli ta mas dakul kamo ki sa ibang banwaan kundi kamo pa ngani an pinakadikit sa gabos.