Deuteronomio 26:13 - Marahay na Bareta Biblia

¹³ Dangan magsabi kamo sa atubang nin Kagurangnan na saindong Dios, ‘Hinale ko na sa sakong harong an banal na himoloan, asin itinao ko na sa mga Levita, mga dayuhan, mga ilo asin mga babaeng balo siring sa ipinagboot mo; dai ko linapas an saimong mga togon saka dai ko liningawan an saimong mga pagboot manongod sa himoloan.

Deuteronomio 26:13 ပူးပေါင်းရင်းမြစ်များ

Salmo 119:139

An sakong kaanggotan naglalaad siring sa kalayo, huli ta linilingawan nin sakong mga kaiwal an saimong mga tataramon.

Salmo 119:141

Mayo ako nin halaga asin isinikwal, alagad dai ko linilingawan an saimong mga katukdoan.

Salmo 119:153

Hilinga an sakong pagtios, asin ligtasan ako, huli ta dai ko nalilingawan an saimong katogonan.

Salmo 119:176

Nalagalag ako siring sa sarong nawawarang karnero; hanapa an saimong sorogoon, huli ta dai ko nalilingawan an saimong katogonan.

Salmo 119:93

Dai ko nanggad lilingawan an saimong mga katukdoan, huli ta sa paagi kaiyan tinawan mo ako nin buhay.

Salmo 26:6

Sakong mga kamot hinuhugasan ko sa pagpahiling na mayo ako nin kasalan; naglilibot ako sa altar sa pagsamba sa Kagurangnan,

Mga Talinhaga 3:1

Aki ko, hare paglingawe an katukdoan ko, kundi tagoon mo iyan sa puso mo an mga pagboot ko.

Mga Gibo 24:16

Kaya dayaday kong hinihingowa na magkaigwa ako nin malinig na konsyensya sa atubangan nin Dios saka nin mga tawo.

2 Corinto 1:12

An ipinag-oorgulyo mi iyo ini: nagpapatotoo an samong konsyensya na namuhay kaming banal saka mayo nin pagsagin-sagin digdi sa kinaban, asin orog na sa pakiiba saindo, bakong huli sa kinabanon na kadonongan kundi huli sa biyaya nin Dios.

2 Corinto 11:31

An Dios asin Ama ni Jesus na Kagurangnan—omawon logod an ngaran niya sagkod lamang—nakakaaram na dai ako nagpuputik.

Deuteronomio 14:29

An kakanon na iyan iyo an para sa mga Levita, huli ta dai sinda nin pagsadiri, asin para sa mga dayuhan, para sa mga ilo saka mga babaeng balo na nag-eerok sa saindong mga banwa. Maabot sinda asin makua kan gabos na kaipuhan ninda. Gibohon nindo ini asin bebendisyonan kamo nin Kagurangnan na saindong Dios sa gabos nindong ginigibo.

Deuteronomio 26:12

“Sa lambang ikatolong taon, itao nindo an himoloan—an ikasampolong parte kan saindong inani—sa mga Levita, mga dayuhan, mga ilo asin mga babaeng balo, tanganing sa lambang komunidad magkaigwa sinda kan pagkakan na saindang kaipuhan.

Deuteronomio 26:14

Dai ako nagkakan nin ano man na himoloan kan ako nagmomondo; dai ko ilinuwas sa harong an arin man kaiyan kan ako bakong malinig; dai ko inatang an arin man kaiyan para sa mga gadan. Kinuyog taka, O Kagurangnan; sinunod ko an gabos mong pagboot manongod sa himoloan.

1 Tesalonica 2:10

Kamo an samong mga saksi, siring man an Dios, na marahay, matanos, asin maninigo an samong gawe saindong mga paratubod.