Deuteronomio 26:11 - Marahay na Bareta Biblia

¹¹ Magpasalamat kamo sa Kagurangnan na saindong Dios huli sa mga karahayan na itinao niya saindo asin sa saindong pamilya; magselebrar kamo kaiba an mga Levita sagkod an mga dayuhan na nakikihimanwa saindo.

Deuteronomio 26:11 ပူးပေါင်းရင်းမြစ်များ

Nehemias 8:10

Magpuli na kamo asin magbangkete. Hirasan nindo nin kakanon saka inomon an mga mayo kaiyan. An aldaw na ini banal para sa satong Kagurangnan, kaya dai kamo magmondo. An kaogmahan na itinao saindo nin Kagurangnan magigin kakosogan nindo.”

Parahulit 3:12

Aram ko na mayo nin ibang marahay para sato kundi an mag-ogma saka maggayagaya mantang buhay pa kita.

Parahulit 3:13

Regalo nin Dios sa tawo na siya magkakan asin mag-inom saka mag-ogma sa saiyang pinagpagalan.

Parahulit 5:18

Ini an nahiling kong marahay na gibohon nin tawo: an pagkakan, an pag-inom saka an pag-ogma sa gabos na pinagalan niya mantang dai pa natatapos an halipot na buhay na itinao nin Dios saiya. Ini an palad nin tawo.

Parahulit 7:14

Mag-ogma ka sa mga aldaw nin kauswagan, asin sa mga aldaw nin kasakitan, giromdoma na an Dios nagpapadara nin kaogmahan siring na nagpapadara siya nin kasakitan. Dai mo nanggad maaraman kun ano an sunod na maabot saimo.

Isaias 65:14

Mag-aawit sinda sa kaogmahan, alagad maghihibi kamo sa dakulang kamondoan.

Zacarias 9:17

Orog na magigin marahay saka magayon an daga! Huli sa trigo saka arak, orog na magigin makosog an mga hoben na lalaki asin babae.

1 Corinto 9:11

Nagsabwag kami saindo nin espiritwal na banhi. Dakula daw na bagay na mag-ani kami nin mga materyal na pakinabang saindo?

Deuteronomio 12:12

Mag-ogma kamo sa atubang niya, kaiba an saindong mga aki, mga oripon sagkod an mga Levita na nag-eerok sa saindong mga banwaan; giromdomon nindo na an mga Levita mayo nin sadiring daga.

Deuteronomio 12:18

Alagad kakakanon nindo iyan asin kan saindong mga aki, kaiba an saindong mga oripon saka an mga Levita na nag-eerok sa saindong mga banwaan, duman nanggad sana sa atubang nin Kagurangnan na saindong Dios, sa lugar na saiyang pinili. Duman mag-oogma kamo, huli kan gabos na saindong naginibo.

Deuteronomio 12:7

Duman, sa atubang nin Kagurangnan na saindong Dios, makakan kamo saka an saindong mga pamilya, asin ipag-oogma nindo an gabos na naginibo nindo na benendisyonan nin Kagurangnan na saindong Dios.

Deuteronomio 16:11

Sa atubang nin Kagurangnan, mag-ogma kamo kaiba an saindong mga aki saka mga oripon, kaiba an mga Levita, mga dayuhan, mga ilo asin mga babaeng balo na nag-eerok sa saindong mga banwa. Gibohon nindo ini sa lugar na pagsasambahan.

Deuteronomio 27:7

Diyan nindo dadarahon saka kakakanon an mga atang para sa katoninongan, asin mag-oogma kamo sa atubang nin Kagurangnan na saindong Dios.

Deuteronomio 28:47

Benendisyonan kamo nin Kagurangnan sa gabos na bagay, alagad dai kamo naglingkod saiya sa maogma asin magayagayang puso.

Filipos 4:4

Mag-ogma kamong danay sa Kagurangnan. Inuulit ko, mag-ogma kamo!