Deuteronomio 25:1 - Marahay na Bareta Biblia

¹ “Halimbawa nag-iwal an duwang lalaki asin nag-atubang sinda sa hukoman, dangan ibinaba kan hukom an desisyon na pagpatalingkas kan mayong sala asin pagkondenar kan nagkasala.

Deuteronomio 25:1 ပူးပေါင်းရင်းမြစ်များ

Mga Talinhaga 17:15

An minaoyon sa tampalasan asin an minapadusa sa matanos parehong ikinakaongis nin Kagurangnan.

Mateo 3:10

Dawa ngunyan, andam na an patok sa pagputol kan gamot kan mga kahoy; an lambang kahoy na dai nagtatao nin marahay na bunga papalodon saka isusugba sa kalayo.

Malakias 3:18

Mahihiling giraray kan sakong banwaan an kalaenan kan nangyayari sa mga matanos asin sa mga tampalasan, sa tawong naglilingkod sa sako saka sa dai.”

Habakkuk 1:13

Alagad paano mo natatagalan an mga mapasaluib saka maraot na lalaking ini? An saimong mga mata banal nin marahay kaya habo mong maghiling kan karatan, asin dai mo matatagalan na hilingon an mga tawong naggigibo nin maraot. Kaya tano ta mayo kang girong mantang ginagadan ninda an mga tawong orog pang matanos ki sa sainda?

Habakkuk 1:4

Maluya saka mayong kamugtakan an katogonan, kaya dai nangyayari an hustisya. Napapalibotan kan mga tampalasan an mga matanos kaya nabibiko an hustisya.

Ezekiel 44:24

Kun igwa nin kaso an mga namamanwaan, sinda an magigin hukom asin huhukoman ninda an kaso sosog sa sakong mga togon. Kaipuhan kuyogon ninda an sakong mga togon saka mga pagboot manongod sa sakong mga talaan na pyesta, asin pakabanalon ninda an mga Sabbath.

Isaias 11:4

kundi sa katanosan huhukoman niya an dukha, asin hahatolan niya an mga mahuyo kan kinaban na mayo nin pinapalaen. Sa saiyang pagboot an mga tawo papadusahan, asin an mga maraot magagadan.

Isaias 5:23

Alagad pinapatalingkas ninda an mga may kasalan huli sa suhol, asin inoolang ninda an mga mayong sala sa pagkamit nin katanosan!

Isaias 1:23

An saimong mga lider mga rebelde asin kairiba nin mga parahabon. An gabos namomoot sa suhol asin nagmamawot nin mga regalo. Dai ninda sinusurog an mga ilo asin dai ninda dinadangog an kaso kan mga babaeng balo.

Isaias 1:17

mag-adal ka sa paggibo nin karahayan papaghadea an katanosan, ontoka an pang-aapi; suroga an mga ilo, asin an mga babaeng balo.

2 Samuel 23:3

Nagtaram an Dios nin Israel; an Gapo nin Israel nagtaram sako: “An hade na nagsasakop na may katanosan, na nagsasakop na may pagkatakot sa Dios,

Exodo 22:9

“Sa lambang kaso nin pag-iriwal manongod sa mga pagrogaring arog kan baka, asno, karnero, gubing asin iba pa, an duwang tawo na parehong nagsasabi, ‘Iyo ini an nawawara ko’, iaatubang sa Dios. An ipahayag nin Dios na igwang sala, mabayad nin doble sa tunay na kagsadiri.

Deuteronomio 17:11

Akoon nindo an saindang desisyon asin sunodon nindo an gabos na ipinapagibo ninda.

Deuteronomio 24:22

Dai nindo paglingawan na nagin oripon man kamo sa Egipto kaya itinatao ko saindo ining pagboot.

1 Mga Hade 8:32

hinanyoga, Kagurangnan, dangan hukoman mo an saimong mga sorogoon. Padusahan mo an nagkasala asin ligtasan an matanos.

Isaias 5:20

Herak man sa nagsasabing marahay an maraot asin maraot an marahay, sa mga tawong an kadikloman ginigibong liwanag, asin an liwanag ginigibong kadikloman, sa mga tawong an kapaitan ginigibong kahamisan asin an kahamisan ginigibong kapaitan!

Mga Panambitan 3:35

kun isinasayuma an itinao niya satong mga deretso, iyan saiyang naaaraman;

Mga Panambitan 3:36

kun an hustisya binibiko sa hukoman, iyan saiyang naaaraman.