Deuteronomio 24:5 - Marahay na Bareta Biblia

⁵ “Kun bagong kasalon an sarong lalaki, dai siya dapat pagpalaogon sa hukbo o pagtawan nin ano man na trabaho publiko; papabayaan ngona siya sa harong sa laog nin sarong taon, tanganing mag-ogma siya kaiba kan saiyang agom.

Deuteronomio 24:5 ပူးပေါင်းရင်းမြစ်များ

Genesis 2:24

Kaya babayaan nin lalaki an saiyang ama saka ina dangan masaro sa saiyang agom na babae, asin sindang duwa magigin saro.

Mga Talinhaga 5:18

Kaya makontento ka sa saimong agom, asin hanapon mo an saimong kaogmahan sa babaeng saimong inagom.

Parahulit 9:9

Mag-ogma ka sa buhay kaiba an agom na saimong namomotan, sagkod na igwa ka pa kan mayong halagang buhay na itinao saimo nin Dios sa kinaban na ini, huli ta iyan man lamang an kahirasan mo sa buhay para sa gabos mong kapagalan.

Lukas 14:20

An saro man nagsabi, ‘Bago akong kasalon kaya dai ako makakaduman.’

1 Corinto 7:29

An boot kong sabihon, mga tugang, iyo ini: kadikit na sanang panahon an natatada. Kaya poon ngunyan an mga lalaking may agom dapat na mamuhay na garo mayong agom;

Deuteronomio 20:7

Igwa digdi sa saindong nakatalaan na mag-agom? Kun igwa, magpuli na siya; tibaad magadan siya sa gera asin iba an makaagom sa katrato niya.’

Deuteronomio 24:6

“Kun magpautang kamo nin ano man sa saindong kapwa, dai nindo pagkuahon an gilingan kan nag-utang bilang sangra, huli ta hahalean nindo an saiyang pamilya kan kagamitan sa pag-andam kan saindang pagkakan tanganing mabuhay.