Deuteronomio 24:17 - Marahay na Bareta Biblia

¹⁷ “Dai nindo paghalean nin katanosan an mga dayuhan asin an mga ilo; dai nindo pagkuahon bilang sangra sa utang an gubing nin sarong babaeng balo.

Deuteronomio 24:17 ပူးပေါင်းရင်းမြစ်များ

An Libro ni Job 22:6

Hinubaan mo nin gubing an saimong tugang bilang kabayadan ninda saimo kan kwartang inutang.

An Libro ni Job 24:3

Kinukua ninda an mga asno kan mga ilo, asin kinukua ninda an baka kan babaeng balo, sagkod na mabayadan kaini an utang.

Exodo 22:20

“Dapat gadanon an siisay man na mag-atang sa arin man na dios-dios, huli ta ako sana, an Kagurangnan, an dapat dolotan nin atang.

Exodo 23:2

Dai ka magsunod sa kadaklan kun minagibo sinda nin sala o kun minasaksi sinda nin putik tanganing mabiko an hustisya.

Exodo 23:6

“Itao mo an hustisya sa tawong dukha kun siya mag-atubang sa husgado.

Exodo 23:9

“Dai mo pagdaog-daogon an sarong dayuhan; aram mo an namamatean niya, huli ta ika nagin dayuhan man sa daga nin Egipto.

Mga Talinhaga 31:5

Kun sinda nabuburat, nalilingawan ninda an katogonan asin napapabayaan an deretso kan mga mayong sukat.

Parahulit 5:8

Dai ka magngalas kun mahiling mo na an mga dukha inaapi kan gobyerno asin isinasayuma sainda an katanosan saka an saindang deretso; huli ta an lambang opisyal dinedepensahan kan mas halangkaw saiya, asin sindang duwa dinedepensahan man kan mas halangkaw pa sainda.

Isaias 1:23

An saimong mga lider mga rebelde asin kairiba nin mga parahabon. An gabos namomoot sa suhol asin nagmamawot nin mga regalo. Dai ninda sinusurog an mga ilo asin dai ninda dinadangog an kaso kan mga babaeng balo.

Isaias 3:15

Mayo kamong deretso sa pagronot kan sakong banwaan, sa pag-api kan mga dukha. Ako, an Kagurangnan, an Dios nin mga hukbo, an nagtaram.”

Isaias 33:15

Mabubuhay kamo kun magsabi saka maggibo kamo kan matanos. Dai nindo paggamiton an saindong kapangyarihan sa pagdaya kan mga dukha asin dai kamo mag-ako nin mga suhol. Dai kamo makiayon sa mga nagpaplanong manggadan o sa magibo nin karatan.

Jeremias 22:3

“Ako, an Kagurangnan, nagboboot saindo na gibohon nindo an matanos asin tama. Iligtas nindo sa madaya an dinadaya. Dai nindo paggibohan nin maraot o pag-apihon an mga dayuhan, mga ilo, asin an mga babaeng balo; dai nindo paggadanon an mga tawong mayong sala sa lugar na ini.

Jeremias 5:28

nagin mataba saka mabaskog. Mayo nin kataposan an gibo nindang katampalasanan. Dai ninda ginagalangan an deretso kan mga ilo, ni pinapahilingan nin hustisya an mga naaapi.

Ezekiel 22:29

An mga mayaman nandadaya saka nanghahabon. Inaapi ninda an mga dukha asin pirit na kinikikilan an mga dayuhan.

Ezekiel 22:7

Mayo nin siisay man sa syudad na minagalang sa saiyang mga magurang. Dinadaya nindo an mga dayuhan asin inaabuso an mga babaeng balo saka mga ilo.

Levitico 19:33

“Dai nindo paggibohan nin maraot an sarong dayuhan na nakikihimanwa sa saindong daga.

Mikas 7:3

Gabos sinda eksperto sa paggibo kan maraot. An mga opisyal saka mga hukom naghahagad nin suhol. Sinasabihan sinda kan mapangyaring tawo kan saiyang kamawotan, asin tarabang sindang minagibo nin plano.

Zacarias 7:10

Dai nindo pag-apihon an mga babaeng balo, an mga ilo, an mga dayuhan na nag-eerok sa kaibahan nindo, o an mga dukha. Dai kamo mag-isip nin maraot sa saindong kapwa.’

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Lukas 3:14

May mga soldados man na naghapot saiya, “Kami, ano an dapat ming gibohon?” “Dai kamo magkua nin kwarta maski kiisay sa paagi nin kosog o salang sumbong; makontento kamo sa sweldo nindo.”

Deuteronomio 1:17

Dai kamo magpaorog sa kiisay man; hukoman nindo nin matanos an gabos, maski siisay siya. Dai kamo matakot sa kiisay man, huli ta hale sa Dios an paghukom na itatao nindo. Kun an kaso dipisil para saindo, darahon nindo sako, asin ako an madesisyon kaiyan.’

Deuteronomio 16:19

Kaipuhan magin matanos sinda asin dai magpaorog sa kiisay man sa saindang paghukom. Dai sinda dapat na mag-ako nin suhol, huli ta an suhol nakakabuta maski sa mga madonong asin nakakaraot kan mga matanos.

Deuteronomio 24:13

kaipuhan ibalik nindo iyan saiya sa lambang pagsolnop kan aldaw tanganing magamit niya sa saiyang pagkatorog. Dangan magpapasalamat siya saindo asin mawiwilihan kamo nin Kagurangnan na saindong Dios.

Deuteronomio 24:18

Giromdoma na nagin oripon man kamo sa Egipto, asin ilinigtas kamo nin Kagurangnan na saindong Dios kaya itinatao ko saindo ining pagboot.

Deuteronomio 24:6

“Kun magpautang kamo nin ano man sa saindong kapwa, dai nindo pagkuahon an gilingan kan nag-utang bilang sangra, huli ta hahalean nindo an saiyang pamilya kan kagamitan sa pag-andam kan saindang pagkakan tanganing mabuhay.

Deuteronomio 27:19

“‘Maldisyonon an siisay man na magbiko kan katanosan nin sarong nakikihimanwa, ilo, asin babaeng balo.’ “Dangan an bilog na banwaan masimbag, ‘Amen!’

Santiago 2:6

Alagad dai nindo ginagalangan an mga dukha! Siisay an nag-aapi saindo saka minaguyod saindo sa atubangan nin mga hukom? Bakong an mga mayaman?