Deuteronomio 24:16 - Marahay na Bareta Biblia

¹⁶ “An mga magurang dai dapat paggadanon huli sa kasalan kan saindang mga aki; an mga aki dai dapat paggadanon huli sa kasalan kan saindang mga magurang. An sarong tawo gagadanon huli sa kasalan na siya nanggad an nakaginibo.

Deuteronomio 24:16 ပူးပေါင်းရင်းမြစ်များ

2 Mga Cronica 25:4

Alagad dai niya ipinagadan an mga aki ninda, kundi sinunod niya an pagboot nin Kagurangnan sa Katogonan ni Moises, “An mga magurang dai gagadanon para sa kasalan na ginibo kan saindang mga aki; ni an mga aki para sa kasalan na ginibo kan saindang mga magurang. An sarong tawo gagadanon sana para sa kasalan na siya nanggad an nakaginibo.”

Ezekiel 18:20

An nagkakasala iyo an magagadan. An aki dai magtitios huli sa mga kasalan kan saiyang ama, asin an ama dai magtitios huli sa kasalan kan saiyang aki. An marahay na tawo babalosan sosog sa marahay na naginibo niya, asin an maraot na tawo magtitios huli sa maraot na naginibo niya.

Ezekiel 18:4

Kapot ko an buhay nin lambang tawo, an buhay kan magurang asin kan aki. An tawong nagkakasala iyo an magagadan.

Daniel 6:24

Dangan nagboot an hade na dakopon an mga lalaking nagsumbong ki Daniel, asin ihinulog sinda kaiba an saindang mga agom saka kaakian sa kalot na pano nin mga leon. Dai pa ngani sinda nagduduta sa salog kan kalot, pinag-aragawan na sinda kan mga leon asin binarari an saindang mga tolang.

Mga Bilang 26:11

Alagad dai ginadan an mga aking lalaki ni Kora.)

1 Samuel 22:16

Nagsabi an hade, “Kaipuhan gadanon ka asin an gabos mong kadugo.”