Deuteronomio 24:1 - Marahay na Bareta Biblia

¹ “Kun magpakasal an sarong lalaki sa sarong babae dangan maisipan niyang suhayan an babae huli ta nakakua siya nin kasosopgan saiya, magibo siya nin kasuratan nin pagsuhay, na itatao niya sa saiyang agom dangan papahaleon niya ini sa saiyang harong.

Deuteronomio 24:1 ပူးပေါင်းရင်းမြစ်များ

Exodo 21:10

Kun an sarong lalaki mag-agom pa nin iba, dai niya dapat pag-inaan an itinatao niyang pagkakan, gubing asin mga deretso nin agom sa enot niyang agom.

Isaias 50:1

Nagsasabi an Kagurangnan, “Sa paghona nindo sinuhayan ko an sakong banwaan siring sa pagsuhay nin sarong lalaki sa saiyang agom? Haen, kun siring, an mga kasuratan nin pagsuhay? Sa paghona nindo ipinabakal ko kamo sa kaoripnan arog sa pagpabakal nin sarong lalaki sa saiyang mga aki bilang mga oripon? Dai, nabihag kamo huli kan saindong mga kasalan; isinubol kamo sa harayo huli kan saindong mga kasombikalan.

Jeremias 3:1

Nagsasabi an Kagurangnan, “Kun an sarong babae suhayan kan saiyang agom, dangan magpaagom siya sa ibang lalaki, dai na siya aakoon kan enot niyang agom. Ini an madigta kan daga. Israel, kadakul kan saimong sambay, alagad boot mo ngunyan na magbalik sako!

Jeremias 3:8

Nahiling man kan Juda na sinuhayan ko saka pinahale an Israel huli kan saiyang pagigin bakong maimbod saka pagigin maraot. Alagad dai natakot an Juda, an bakong maimbod na tugang kan Israel. Siya man nagin maraot na babae.

Malakias 2:16

Nagsasabi an Kagurangnan Dios nin Israel, “Ikinakaongis ko an pagsuhayan nin mag-agom. Ikinakaongis ko iyan orog na kun an saro saindo minagibo kan makuring bagay na ini sa saiyang agom. Kaya mag-ingat kamo na dai nindo malapas an saindong panuga na magin maimbod sa saindong agom.”

Mga Bilang 5:12

na itao an minasunod na mga katukdoan sa mga Israelita. Kun magpasambay an sarong babae, asin dai ini aram kan saiyang agom, dangan mayo nin nakaisi kan kasalan huli ta minsan totoong nagpasambay an babae, alagad mayo nin katibayan laban saiya asin dai siya nadakop sa akto; kun mag-imon an agom na lalaki asin magduda na nagpasambay an saiyang agom; o kun mag-imon an lalaki minsan dai totoong nagpasambay an saiyang agom;

Mga Bilang 5:28

Alagad kun dai siya nin kasalan, dai siya maaano kan maldisyon asin mangangaki pa nin dakul.

Mateo 1:19

Si Jose sarong matanos na lalaki asin habo niyang masopgan si Maria; kaya nag-isip siyang suhayan ini sa hilom.

Lukas 16:18

“An lalaking magsuhay sa agom dangan mag-agom nin iba, nagkakasala nin adulteryo; an lalaking mag-agom sa babaeng sinuhayan, nagkakasala man nin adulteryo.

Deuteronomio 21:15

“Halimbawa an sarong lalaki igwa nin duwang agom, asin padangat niya an saro sainda. Dangan nagkaaki siya sa duwa, alagad an matuang lalaki bakong aki kan padangat niyang agom.

Deuteronomio 22:13

“Halimbawa nag-agom an sarong lalaki, asin pakatapos na dorogan niya an saiyang agom, hinaboan niya.

Deuteronomio 22:19

Mumultahan pa ninda siya nin sanggatos na pedaso nin plata, na itatao sa ama kan babae, huli ta pinakaraot niya an sarong babae nin Israel. An babae padagos na magigin saiyang agom asin dai niya pwedeng suhayan sa bilog niyang pagkabuhay.

Deuteronomio 22:29

kaipuhan bayadan niya nin singkwentang pedasong plata an ama kan babae, asin magigin agom niya an babae huli ta pinirit niyang magdorog saiya. Dai niya pwedeng suhayan an babae sa bilog niyang pagkabuhay.

Deuteronomio 24:2

Halimbawa magpaagom giraray sa ibang lalaki an babaeng sinuhayan,

Deuteronomio 24:3

asin maisipan kan lalaki na suhayan man siya. Magibo man an lalaki nin kasuratan nin pagsuhay, itatao sa babae dangan papahaleon niya. O halimbawa magadan an ikaduwang agom kan babae,