Deuteronomio 23:8 - Marahay na Bareta Biblia

⁸ Pwedeng ibilang sa banwaan nin Dios an saindang kapagarakian magpoon sa ikatolong henerasyon.

Deuteronomio 23:8 ပူးပေါင်းရင်းမြစ်များ

Genesis 25:25

Mapula an naenot asin mabarahibo an saiyang kublit siring sa gubing na anit, kaya inapod siyang Esau.

Genesis 25:26

Namundag an ikaduwa na pugol nin marahay an bool ni Esau, kaya inapod siyang Jacob. An kambal namundag kan si Isaac sesentang taon na an edad.

1 Mga Hade 3:1

Nakipag-alyansa si Solomon sa hade nin Egipto kan agomon niya an aki kaini. Dinara niya an prinsesa sa syudad ni David tanganing duman mag-erok sagkod na matapos an pagpatugdok niya kan palasyo, kan Templo, asin kan kudal sa palibot nin Jerusalem.

Esdras 9:1

Pakatapos na magibo an gabos na ini, dinolok ako kan nagkapirang lider kan banwaan nin Israel dangan sinabihan, “An mga tawo, an mga padi, asin an mga Levita dai nagsuhay sa mga tawo na nag-eerok sa kataraed na mga nasyon nin Ammon, Moab, saka Egipto, o sa mga Cananeo, Heteo, Perezeo, Jebuseo saka Amoreo. Inaarog pa ninda an makauuyam na mga gawe kan mga ini.

Exodo 22:20

“Dapat gadanon an siisay man na mag-atang sa arin man na dios-dios, huli ta ako sana, an Kagurangnan, an dapat dolotan nin atang.

Levitico 19:34

Gibohon nindo sainda an ginigibo nindo sa kapwa nindo Israelita. Kamotan nindo sinda siring kan pagkamoot nindo sa saindo man sana. Giromdomon nindo na kamo nagin mga dayuhan man sa Egipto. Ako an Kagurangnan na saindong Dios.

Obadias 1:10

“Huli ta hinabonan mo asin ginadan an mga tugang mong lalaki, an mga kapagarakian ni Jacob, gagadanon ka asin sosopogon sagkod lamang.

Deuteronomio 10:19

Kaya kamotan nindo an mga dayuhan huli ta nagin dayuhan man kamo sa Egipto.

Deuteronomio 23:7

“Dai kamo mauyam sa mga Edomita, huli ta mga kadugo nindo sinda. Dai kamo mauyam sa mga Egipcio, huli ta nag-erok kamo kaidto sa saindang daga.

Deuteronomio 23:9

“Kun kamo nasa kampo sa panahon nin gera, likayan nindo an paggibo nin ano man na maraot.

1 Samuel 30:11

An mga lalaking kaiba ni David nakanumpong sa kaawagan nin sarong hoben na Egipcio asin dinara ninda siya ki David. Tinawan ninda siya nin pagkakan asin tubig,