Deuteronomio 23:7 - Marahay na Bareta Biblia

⁷ “Dai kamo mauyam sa mga Edomita, huli ta mga kadugo nindo sinda. Dai kamo mauyam sa mga Egipcio, huli ta nag-erok kamo kaidto sa saindang daga.

Deuteronomio 23:7 ပူးပေါင်းရင်းမြစ်များ

Genesis 25:30

kaya sinabihan kaini si Jacob, “Tawe ako kan mapulang linuluto mo huli ta grabe na an gutom ko.” (Kaya poon kaidto, nginaranan siyang Edom.)

Genesis 46:7

an saiyang mga aking lalaki saka mga makoapong lalaki, an saiyang mga aking babae saka mga makoapong babae.

Genesis 47:12

Tinawan man ni Jose nin pagkakan an saiyang ama, an saiyang mga tugang saka an iba pang myembro kan pamilya kan saiyang ama sagkod an pinakaaki sainda.

Genesis 47:27

Nag-erok an mga Israelita sa Egipto, sa rehiyon nin Goshen; nagyaman asin nagdakul sinda duman.

Genesis 47:6

yaon an bilog na daga kan Egipto na pagpipilian mo. Duman mo sinda paerokon sa rehiyon nin Goshen, an pinakamarahay na parte kan daga. Kun igwa sa saindang marahay na magpastor, gibohon mo siyang parapamahala kan sakong mga hayop.”

1 Mga Hade 11:25

Nagin kaiwal kan Israel si Rezon sa bilog na panahon kan paghahade ni Solomon.

Esdras 9:12

Kaya dai nindo ipagpaagom an saindong mga aking babae sa mga aki ninda, asin an saindong mga aking lalaki dai nindo pagpaagomon sa mga aki ninda. Dai nindo sinda pagtabangan na mag-uswag tanganing kumosog kamo saka magkakan kan bunga kan daga dangan ikapamana nindo iyan sa saindong mga aki sagkod pa man.’

Salmo 105:23

Dangan nagpasiring si Jacob sa Egipto asin nag-erok duman.

Exodo 22:21

“Dai nindo pagpasakitan o pagdaog-daogon an sarong dayuhan; giromdomon nindo na nagin mga dayuhan man kamo sa Egipto.

Exodo 23:9

“Dai mo pagdaog-daogon an sarong dayuhan; aram mo an namamatean niya, huli ta ika nagin dayuhan man sa daga nin Egipto.

Levitico 19:34

Gibohon nindo sainda an ginigibo nindo sa kapwa nindo Israelita. Kamotan nindo sinda siring kan pagkamoot nindo sa saindo man sana. Giromdomon nindo na kamo nagin mga dayuhan man sa Egipto. Ako an Kagurangnan na saindong Dios.

Malakias 1:2

An Kagurangnan nagtataram sa saiyang banwaan, “Danay takang namotan.” Alagad minasimbag sinda, “Paano mo ipinahiling an saimong pagkamoot samo?” Minasimbag an Kagurangnan, “Magtugang si Esau asin si Jacob, alagad orog kong namotan si Jacob dangan an saiyang kapagarakian.

Mga Bilang 20:14

Hale sa Kades, nagpadara si Moises nin mga sugo sa hade kan Edom. Olay ninda, “An mensaheng ini hale sa saimong mga kadugo, an mga tribu nin Israel. Nakakaisi ka kan mga kasakitan na uminabot samo,

Deuteronomio 10:19

Kaya kamotan nindo an mga dayuhan huli ta nagin dayuhan man kamo sa Egipto.

Deuteronomio 23:8

Pwedeng ibilang sa banwaan nin Dios an saindang kapagarakian magpoon sa ikatolong henerasyon.