Deuteronomio 23:6 - Marahay na Bareta Biblia

⁶ Sa bilog nindong pagkabuhay, dai nanggad nindo pagtabangan o pagpauswagon an mga banwaan na iyan.

Deuteronomio 23:6 ပူးပေါင်းရင်းမြစ်များ

2 Samuel 12:31

Pinatrabaho niya an mga tawong taga Rabba na gamit an mga lagadi, mga piko, saka mga patok, asin pinirit sindang maggibo nin mga ladrilyo; iyo man an ginibo ni David sa mga tawo kan ibang mga banwa nin Ammon. Dangan nagbalik sa Jerusalem si David saka an saiyang mga tawohan.

2 Samuel 16:12

Tibaad pa mahiling nin Kagurangnan an sakong pagtios asin matawan niya ako nin mga biyaya karibay kan saiyang pagmaldisyon.”

2 Samuel 8:2

Dinaog man niya an mga Moabita; pinahigda niya an mga ini sa daga asin ginadan an duwa sa lambang tolo sa sainda. Kaya an mga Moabita nagin mga sorogoon ni David asin nagbayad sinda saiya nin buhis.

Esdras 9:12

Kaya dai nindo ipagpaagom an saindong mga aking babae sa mga aki ninda, asin an saindong mga aking lalaki dai nindo pagpaagomon sa mga aki ninda. Dai nindo sinda pagtabangan na mag-uswag tanganing kumosog kamo saka magkakan kan bunga kan daga dangan ikapamana nindo iyan sa saindong mga aki sagkod pa man.’

Daniel 4:27

Kaya, Mahal na Hade, sunoda an sakong hatol. Ontoka an saimong pagkakasala, giboha an matanos, asin magin maherakon ka sa dukha. Dangan magpapadagos an saimong kauswagan.”

Mikas 6:5

Banwaan ko, giromdoma an plano ni Hadeng Balak nin Moab sa saimo asin kun paano siya sinimbag ni Balaam na aking lalaki ni Beor. Giromdoma an mga pangyayari sa dalan magpoon sa kampo sa Sittim sagkod sa Gilgal. Giromdoma an mga bagay na ini asin maaaraman mo kun ano an ginibo ko tanganing iligtas ka.”

Mga Bilang 24:10

Ginugom ni Balak an saiyang mga palad sa kaanggotan ki Balaam dangan nagsabi, “Inapod taka tanganing maldisyonon an sakong mga kaiwal alagad tolong beses mo sindang benendisyonan.

Deuteronomio 7:8

Alagad namotan kamo nin Kagurangnan asin boot niyang otobon an panuga niya sa saindong mga ginikanan. Ini an dahelan kun tano ta huli kan saiyang mapangyaring kamot, ilinigtas niya kamo asin binalukat sa kaoripnan sa kamot kan hade nin Egipto.