Deuteronomio 23:5 - Marahay na Bareta Biblia

⁵ Alagad dai si Balaam dinangog nin Kagurangnan na saindong Dios, asin an saiyang maldisyon ginibo nin Kagurangnan na magin bendisyon huli ta namotan niya kamo.

Deuteronomio 23:5 ပူးပေါင်းရင်းမြစ်များ

2 Samuel 16:12

Tibaad pa mahiling nin Kagurangnan an sakong pagtios asin matawan niya ako nin mga biyaya karibay kan saiyang pagmaldisyon.”

Nehemias 13:2

huli ta an mga taga Ammon saka mga taga Moab dai nagtao nin pagkakan asin tubig sa mga Israelita pakahale kaini sa Egipto. Embes kaiyan, binayadan ninda si Balaam tanganing maldisyonon an mga Israelita. Alagad an maldisyon na ini ginibo nin Dios na sarong bendisyon.

Salmo 73:1

Marahayon nanggad an Dios sa mga matanos, sa mga tawong malinig an puso.

Mga Talinhaga 26:2

An mga maldisyon na bakong maninigo dai nagkakatotoo. Arog iyan sa gamgam na naglalayog asin dai nanggad minatugdon.

Jeremias 31:3

nagpahiling ako sainda hale sa harayo. Banwaan nin Israel, danay ko kamong namotan, kaya padagos kong ipinapahiling saindo an danay kong pagkamoot.

Ezekiel 16:8

“Pag-agi ko giraray, nahiling kong panahon na tanganing mamoot ka. Tinahoban ko kan sakong alikboy an huba mong hawak, saka nanuga akong mamomotan taka. Nakipagtipan ako saimo kaya nagin sadiri taka.” Ini an tataramon nin Kagurangnan Dios.

Mikas 6:5

Banwaan ko, giromdoma an plano ni Hadeng Balak nin Moab sa saimo asin kun paano siya sinimbag ni Balaam na aking lalaki ni Beor. Giromdoma an mga pangyayari sa dalan magpoon sa kampo sa Sittim sagkod sa Gilgal. Giromdoma an mga bagay na ini asin maaaraman mo kun ano an ginibo ko tanganing iligtas ka.”

Malakias 1:2

An Kagurangnan nagtataram sa saiyang banwaan, “Danay takang namotan.” Alagad minasimbag sinda, “Paano mo ipinahiling an saimong pagkamoot samo?” Minasimbag an Kagurangnan, “Magtugang si Esau asin si Jacob, alagad orog kong namotan si Jacob dangan an saiyang kapagarakian.

Mga Bilang 22:35

Alagad nagtaram an anghel, “Umiba ka sa mga tawong iyan, alagad an itataram ko sana saimo iyo an sasabihon mo.” Kaya nagpadagos si Balaam kaiba kan mga lalaki.

Mga Bilang 22:5

nin mga sugo ki Balaam na aki ni Beor, na idtoon sa Petor harani sa Salog nin Eufrates sa daga nin Amaw. Dara ninda an mensaheng ini hale ki Balak: “Boot kong maaraman mo na sarong nasyon an nag-abot hale sa Egipto. Nakakalakop na sinda sa gabos na lugar asin harani na sa samong daga.

Mga Bilang 24:9

An nasyon nin Israel arog sa makosog na leon; Mayo nin mangangahas na magpukaw kun natotorog siya. Bebendisyonan an magbebendisyon saimo, Asin mamaldisyonon an magmamaldisyon saimo.”

Roma 11:28

Isinikwal kan mga Judio an Marahay na Bareta, kaya sinda nagin kaiwal nin Dios dahel sa saindo. Alagad namomotan sinda nin Dios huli sa mga ginikanan ninda na pinili niya.

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

Roma 9:13

Siring sa nasusurat, “Namotan ko si Jacob, alagad ikinaongis ko si Esau.”

2 Corinto 4:17

Ining dikit asin dai nagdadanay na kasakitan na tinitios mi matao samo nin dakula saka mayong kataposan na kaogmahan na dai mapapantayan.

Deuteronomio 2:29

sagkod na makabalyo kami sa Salog nin Jordan asin makaabot sa daga na itinatao samo nin Kagurangnan na samong Dios. Tinugotan kaming mag-agi sa Edom kan kapagarakian ni Esau, asin sa Ar kan mga Moabita.’

Deuteronomio 33:3

Namomotan nin Kagurangnan an saiyang banwaan; an mga sadiri niya, saiyang inaataman. Kaya nagduduko kita sa saiyang pamitisan, asin nagkukuyog kan saiyang mga kabotan.

Deuteronomio 4:37

Pinili niya kamo huli ta namotan niya an saindong mga ginikanan; huli kan saiyang dakulang kapangyarihan, ilinuwas niya kamo hale sa Egipto.

Josue 24:10

Alagad dai ko dinangog si Balaam kaya benedisyonan niya kamo, asin sa siring na paagi, ilinigtas ko kamo sa kamot ni Balak.