Deuteronomio 23:16 - Marahay na Bareta Biblia

¹⁶ Pwede siyang mag-erok sa arin man kan saindong mga banwa na pilion niya, asin dai nindo siya pag-apihon.

Deuteronomio 23:16 ပူးပေါင်းရင်းမြစ်များ

Exodo 22:21

“Dai nindo pagpasakitan o pagdaog-daogon an sarong dayuhan; giromdomon nindo na nagin mga dayuhan man kamo sa Egipto.

Exodo 23:9

“Dai mo pagdaog-daogon an sarong dayuhan; aram mo an namamatean niya, huli ta ika nagin dayuhan man sa daga nin Egipto.

Mga Talinhaga 22:22

Dai mo paghabonan an dukha huli ta siya dukha, o pag-apihon an mayong sukat sa atubang kan hukoman.

Jeremias 7:6

Dai na nindo pag-apihon an mga dayuhan, mga ilo, saka mga babaeng balo. Mag-ontok na kamo sa paggadan kan mga mayong sala sa dagang ini. Mag-ontok na kamo sa pagsamba sa mga dios-dios, huli ta mapapahamak kamo.

Zacarias 7:10

Dai nindo pag-apihon an mga babaeng balo, an mga ilo, an mga dayuhan na nag-eerok sa kaibahan nindo, o an mga dukha. Dai kamo mag-isip nin maraot sa saindong kapwa.’

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Santiago 2:6

Alagad dai nindo ginagalangan an mga dukha! Siisay an nag-aapi saindo saka minaguyod saindo sa atubangan nin mga hukom? Bakong an mga mayaman?