Deuteronomio 22:9 - Marahay na Bareta Biblia

⁹ “Dai kamo magtanom nin ibang banhi sa saindong ubasan; kun gibohon nindo iyan, ipapangalad saindo an pagkakan kan ubas o kan bunga kan iba nindong itinanom.

Deuteronomio 22:9 ပူးပေါင်းရင်းမြစ်များ

Levitico 19:19

“Kuyogon nindo an sakong mga pagboot. Dai nindo pagpalahian sa ibang klase an saindong mga hayop. Dai kamo magtanom nin duwang klaseng banhi sa sarong oma. Dai kamo magsulot nin gubing na gibo sa duwang klaseng tela.

Mateo 6:24

“Mayong makakapaglingkod sa duwang kagurangnan, huli ta ikakaongis niya an saro asin mamomotan an saro; magigin maimbod siya sa saro asin pag-oolog-ologon an saro. Dai kamo makakapaglingkod sa Dios asin sa kayamanan.

Mateo 9:16

“Dai nin siisay man na minatagubhang nin bagong tela sa gisi kan lumang gubing; huli ta an tagubhang na iyan iyo an mahinat kan lumang gubing; orog pang madakula an gisi.

Roma 11:6

Pinili sinda nin Dios huli kan saiyang biyaya, bakong huli sa mga ginibo ninda; ta kun dahel sa gibo, an biyaya nin Dios bakong tunay na biyaya.

2 Corinto 1:12

An ipinag-oorgulyo mi iyo ini: nagpapatotoo an samong konsyensya na namuhay kaming banal saka mayo nin pagsagin-sagin digdi sa kinaban, asin orog na sa pakiiba saindo, bakong huli sa kinabanon na kadonongan kundi huli sa biyaya nin Dios.

2 Corinto 11:3

Alagad natatakot ako na tibaad arog ki Eva na nadaya kan katusohan kan halas, an saindong mga isip mapasuhay sa tunay saka totoong debosyon ki Cristo.

Deuteronomio 22:8

“Kun magtugdok kamo nin bagong harong, bugtakan nindo nin barandilya an palibot kan atop, tanganing dai kamo pagbasolon kun igwa nin mahulog saka magadan duman.

Santiago 3:10

Mga pag-omaw asin pagmuda minaluwas sa saro sanang ngoso. Dai dapat ini mangyari, mga tugang ko.