Deuteronomio 22:8 - Marahay na Bareta Biblia

⁸ “Kun magtugdok kamo nin bagong harong, bugtakan nindo nin barandilya an palibot kan atop, tanganing dai kamo pagbasolon kun igwa nin mahulog saka magadan duman.

Deuteronomio 22:8 ပူးပေါင်းရင်းမြစ်များ

2 Samuel 11:2

Sarong aldaw, kan madali nang magbanggi, nagbangon si David hale sa saiyang pagkatorog asin nagduman sa atop kan palasyo. Mantang naglalakaw-lakaw siya sa atop, natanaw niya an sarong babaeng nangangarigos. Magayon nin marahay an babae,

Exodo 22:6

“Kun an sarong tawo magsulo sa saiyang oma, asin magkanap an kalayo sa kadootan pasiring sa oma kan iba dangan nasulo an tindog pang mga tinanom o an mga inaning tinambak na, an nagsulo mabayad kan gabos na nasulo.

Isaias 22:1

Iyo ini an mensahe dapit sa Kapantayan nin Bisyon. Ano an nangyayari? Tadaw ta nagseselebrar an gabos na tawo sa atop kan saindang mga harong?

Jeremias 19:13

Magigin maati arog kan Tofet an mga harong sa Jerusalem, an mga harong kan mga hade sa Juda asin an gabos na harong, huli ta an bubong kan mga ini ginagamit ninda sa pagtutong nin insenso para sa mga bitoon asin sa pag-ula nin arak bilang dolot na inomon sa ibang mga dios.”

Ezekiel 3:18

Kun magtaram akong magagadan an sarong maraot na tawo alagad dai mo siya pinatanidan tanganing mabago an saiyang gawe tanganing makaligtas an saiyang buhay, magagadan siya sa saiyang kasalan, alagad ika an babasolon ko sa saiyang pagkagadan.

Ezekiel 3:20

“Siring man, kun an sarong matanos na tawo magpoon sa paggibo nin maraot, dangan ibinugtak ko siya sa pag-alaman, magagadan siya kun dai mo siya patanidan. Magagadan siya huli kan saiyang mga kasalan—dai ko na gigiromdomon an mga karahayan na saiyang ginibo—asin ika an babasolon sa saiyang pagkagadan.

Mateo 10:27

An itinataram ko saindo sa diklom, sabihon nindo sa liwanag; an ihinghing saindo, ikurahaw nindo sa mga atop.

Markos 2:4

Huli sa kadakulan nin tawo, dai ninda ikinarani ki Jesus an paralitiko. Kaya hinaklas ninda an atop sa tangod kan natitindogan ni Jesus saka itinunton ninda an nahihigdaan kan paralitiko.

Mga Gibo 10:9

Sunod na aldaw, kan nagdadangadang na sa Jope an mga sinugo, nagsakat si Pedro sa atop kan harong tanganing mamibi. Mag-aalas dose na nin odto kaidto.

Roma 14:13

Kaya dai na kita maghukom sa kapwa. Kundi maghingowa nanggad na dai magin dahelan nin pagkasingkog o pagkasala kan sarong tugang.

1 Corinto 10:32

Dai kamo magtao nin dahelan na magkasala an mga Judio, o an mga pagano, o an simbahan nin Dios.

Deuteronomio 22:7

Pwede nindong kuahon an mga siwo alagad butasan nindo an ina, tanganing maghalawig asin mag-uswag an saindong buhay.

Deuteronomio 22:9

“Dai kamo magtanom nin ibang banhi sa saindong ubasan; kun gibohon nindo iyan, ipapangalad saindo an pagkakan kan ubas o kan bunga kan iba nindong itinanom.

Filipos 1:10

tanganing mapili nindo an pinakamarahay. Dangan magigin malinig kamo asin mayo nin sala pag-abot kan Aldaw ni Cristo.

1 Tesalonica 5:22

Likayan nindo an gabos na maraot.

1 Samuel 9:25

Kan maglugsot na sinda hale sa lugar na pinagsasambahan pasiring sa banwa, inandaman ninda nin higdaan si Saul sa ibabaw kan atop,