Deuteronomio 22:24 - Marahay na Bareta Biblia

²⁴ darahon nindo sindang duwa sa luwas kan banwa asin duman gapoon nindo sagkod na magadan. Gagadanon an babae huli ta dai siya nagkurahaw sa paghagad nin tabang maski yaon man sana siya sa laog kan banwa. Gagadanon man an lalaki huli ta dinorogan niya an sarong babae na katrato nin iba. Sa siring na paagi, mahahale saindo an karatan na ini.

Deuteronomio 22:24 ပူးပေါင်းရင်းမြစ်များ

Genesis 29:21

Dangan sinabihan ni Jacob si Laban, “Tapos na an panahon nin sakong paglingkod; ipakasal mo na sako an saimong aki.”

An Libro ni Job 31:11

Huli ta iyan sarong makaoongis na karatan, sarong kasalan na dapat padusahan kan mga hukom;

Ezekiel 16:38

Kokondenaron taka huli kan pakidorog mo sa bako mong agom asin huli kan saimong panggagadan. Dangan sa sakong kaanggotan asin pag-imon, papadusahan taka nin kagadanan.

Levitico 20:10

An siisay man na lalaking magdorog sa agom kan saiyang kapwa, gagadanon kaiba kan babae.

Mateo 1:20

Mantang iniisip ini ni Jose, nagpahiling saiya sa pangatorogan an sarong anghel nin Kagurangnan na nagsabi, “Jose, aki ni David, dai ka magalang-alang akoon si Maria, huli ta an ipinapangidam niya gikan sa Espiritu Santo.

Mateo 1:24

Pagmata ni Jose, sinunod niya an pagboot kan anghel nin Kagurangnan; pinakasalan niya si Maria.

1 Corinto 5:2

Dangan nagpapaabaw-abaw pa kamo! Dapat kutanang magmondo kamo! An tawong siring an gibo dapat isikwal sa saindong katiriponan.

Deuteronomio 13:5

Alagad gadanon nindo an propeta o an parapaliwanag nin mga pangatorogan na idto, huli ta tinutukdoan niya kamo na magtumang sa Kagurangnan, na nagligtas saindo sa Egipto, saen kamo nagin mga oripon. Maraot an tawong iyan huli ta dinadagka niya kamong magtalikod sa pamumuhay na ipinagboot nin Kagurangnan. Kaipuhan gadanon siya tanganing mahale an karatan na iyan sa tahaw nindo.

Deuteronomio 17:7

An mga saksi iyo an enot na magapo saiya dangan masunod an iba; sa siring na paagi, mahahale sa saindo an karatan na iyan.

Deuteronomio 21:14

Kun habo kamo saiya, talingkasan nindo siya. Huli ta pinirit nindo siya na dorogan kamo, dai nindo siya pwedeng ipabakal o gibohon na oripon.

Deuteronomio 22:23

“Kun madakop sa laog kan banwa an sarong lalaki na nakikidorog sa babae na katrato nin iba,

Deuteronomio 22:25

“Kun sa luwas kan banwa lupigan nin sarong lalaki an babae na katrato nin iba, an lalaki sana an gagadanon.