Deuteronomio 21:3 - Marahay na Bareta Biblia

³ Dangan an mga lider kan banwa na pinakaharani sa lugar na nakuahan kan bangkay mapili nin sarong torilyong baka na dai pa ginamit sa pagtrabaho.

Deuteronomio 21:3 ပူးပေါင်းရင်းမြစ်များ

Jeremias 31:18

“Nadangog ko an banwaan nin Israel na mamondong nagsasabi, ‘Kagurangnan, arog kami sa sarong hayop na dai pa minagaro, alagad tinukdoan mo kami na magkuyog. Ibalik mo kami; andam kami na magbalik saimo, an Kagurangnan na samong Dios.

Mga Bilang 19:2

na itao sa mga Israelita an minasunod na pagsusundon. Magdara kamo nin pulang baka na mayo nin kaninan asin dai pa lamang nasasakalan.

Deuteronomio 10:8

Kan panahon na iyan pinili nin Kagurangnan an mga lalaki sa tribu ni Levi na iyo an mamahala kan Kaban nin Tipan, tanganing maglingkod saiya bilang mga padi asin magbendisyon sa ngaran nin Kagurangnan. Sagkod ngunyan ginigibo pa ninda ini.

Deuteronomio 21:2

maduman an mga lider asin an mga hukom dangan saindang susukolon an distansya magpoon sa lugar na namumugtakan kan bangkay sagkod sa mga haraning banwa.

Deuteronomio 21:4

Dadarahon ninda an baka sa sarong lugar na dai pa inarado o tinanoman, harani sa sarong burabod na dai naghuhubas an tubig, asin duman ninda babarion an liog kan hayop.

Filipos 2:8

Kan siya nagin tawo, nagpakumbaba siya asin nagmakinuyog-kuyog sagkod sa kagadanan, sagkod sa kagadanan sa krus.

1 Samuel 6:7

Kaya mag-andam kamo nin bagong kariton asin duwang baka na dai pa nasasakalan; igakod nindo an mga ini sa kariton dangan alawon nindo pabalik sa toril an saindang mga ogbon.