Deuteronomio 21:23 - Marahay na Bareta Biblia

²³ dai iyan dapat pagpaagahan. Kaipuhan ilubong an bangkay sa aldaw man sanang iyan, huli ta an bangkay na nabibitay sa kahoy nagdadara sa daga kan maldisyon nin Dios. Ilubong nindo an bangkay tanganing dai madigtaan an daga na itatao saindo nin Kagurangnan na saindong Dios.

Deuteronomio 21:23 ပူးပေါင်းရင်းမြစ်များ

2 Samuel 21:10

Dangan nagkua nin sako si Rizpa na aking babae ni Aia, asin ginibo ining lindongan niya sa ibabaw nin gapo na namumugtakan kan mga bangkay; duman siya nag-erok poon kan magpoon an pag-ani sagkod sa tig-uran. Kun aldaw, inaalaw niya an mga gamgam, asin kun banggi, dai niya pinaparani sa mga bangkay an lalaw na mga hayop.

2 Samuel 21:6

Kaya itao mo samo an pito kan saiyang mga lalaking kapagarakian, asin sa atubangan nin Kagurangnan, bibitayon mi sinda sa Gibeon, sa sadiring banwa ni Saul, an piniling hade nin Kagurangnan.” Nagsimbag an hade, “Itatao ko sinda saindo.”

2 Mga Hade 10:8

Kan paisihon si Jehu na an mga payo kan mga aki ni Ahab yaon na, nagboot siya na pagduwahon na tambak idto sa trangkahan kan syudad asin pabayaan duman sagkod na mag-aga.

Ezekiel 39:12

Mabilang nin pitong bulan an mga Israelita bago ninda matapos an paglubong kan gabos na bangkay asin an paglinig sa daga.

Levitico 18:25

Nagin maati pati an daga huli kan saindang mga gibo, kaya pinadusahan ko an daga, asin isinuka sinda kaini.

Mga Bilang 25:4

Nagtaram siya ki Moises, “Tiponon mo an gabos na lider nin Israel dangan bilang pagkuyog sako, bitayon mo sinda sa atubang kan mga tawo, asin dai na ako maaanggot sa mga tawo.”

Juan 19:31

An aldaw na idto bisperas nin Paskwa kaya habo an mga Judio na mawalat sa krus an mga bangkay sa aldaw na Sabbath huli ta banal na aldaw ini. Kaya hinagad ninda ki Pilato na ipabari niya an mga tabay kan mga ipinako sa krus dangan haraleon duman an mga bangkay.

Roma 9:3

para sa mga tugang ko, an mga karasa ko. Mawot ko pang maldisyonon ako nin Dios asin isuhay ki Cristo para sainda.

1 Corinto 16:22

An siisay man na dai namomoot sa Kagurangnan, maldisyonon man logod! Maranatha—madya, samong Kagurangnan!

2 Corinto 5:21

Mayo lamang nin kasalan si Cristo, alagad huli sato idinamay siya nin Dios sa satong mga pagkakasala tanganing sa pakisumaro saiya, magkaigwa kita kan katanosan nin Dios.

Galacia 3:13

Ilinigtas kita ni Cristo sa maldisyon na dara kan Katogonan. Siya an minaldisyon embes na kita, huli ta nasusurat, “An siisay man na binitay sa kahoy minaldisyon.”

Deuteronomio 25:19

Kaya kun ligtas na kamo sa gabos nindong kaiwal na nag-eerok sa palibot nindo, asin itinao na saindo nin Kagurangnan na saindong Dios an dagang pamana, gadanon nindo an gabos na Amalekita tanganing mayo nang makagiromdom sainda. Dai nanggad kamo malingaw!

Deuteronomio 4:21

Huli saindo, naanggot sako an Kagurangnan na saindong Dios, asin nagsumpa na dai ako makakabalyo sa Salog nin Jordan asin dai ako makakalaog sa marahay na daga na itinatao saindo nin Kagurangnan bilang pamana.

Deuteronomio 7:26

Dai nindo pagdarahon sa saindong harong an arin man sa mga dios-dios na iyan, tanganing dai kamo mamaldisyon arog kan mga iyan. Kaongisan nindo an mga ladawan na iyan huli ta minaldisyon sinda nin Kagurangnan.

Josue 7:12

Ini an dahelan kun tano ta dai kaya kan mga Israelita na atubangon an mga kaiwal. Nagdulag sinda sa mga kaiwal huli ta kabilang sinda ngunyan sa mga susuloon! Dai ko na kamo iibahan sagkod na dai nindo tinunaw an mga bagay na sinabi kong dai nindo pagkuahon!

Josue 8:29

Binitay niya sa kahoy an hade kan Ai asin binayaan duman an bangkay sagkod sa hapon. Pagsolnop kan aldaw, ipinababa niya an bangkay asin ipinatapok sa may trangkahan kan syudad. An bangkay tinambakan ninda nin mga gapo na mahihiling pa duman sagkod ngunyan.