Deuteronomio 21:14 - Marahay na Bareta Biblia

¹⁴ Kun habo kamo saiya, talingkasan nindo siya. Huli ta pinirit nindo siya na dorogan kamo, dai nindo siya pwedeng ipabakal o gibohon na oripon.

Deuteronomio 21:14 ပူးပေါင်းရင်းမြစ်များ

Deuteronomio 22:29

kaipuhan bayadan niya nin singkwentang pedasong plata an ama kan babae, asin magigin agom niya an babae huli ta pinirit niyang magdorog saiya. Dai niya pwedeng suhayan an babae sa bilog niyang pagkabuhay.

Genesis 34:2

Kan mahiling siya ni Shekem, na aki ni Hamor na Heveo, na prinsipe kan daga, kinua siya kaini asin linupigan.

Deuteronomio 22:24

darahon nindo sindang duwa sa luwas kan banwa asin duman gapoon nindo sagkod na magadan. Gagadanon an babae huli ta dai siya nagkurahaw sa paghagad nin tabang maski yaon man sana siya sa laog kan banwa. Gagadanon man an lalaki huli ta dinorogan niya an sarong babae na katrato nin iba. Sa siring na paagi, mahahale saindo an karatan na ini.

Deuteronomio 22:19

Mumultahan pa ninda siya nin sanggatos na pedaso nin plata, na itatao sa ama kan babae, huli ta pinakaraot niya an sarong babae nin Israel. An babae padagos na magigin saiyang agom asin dai niya pwedeng suhayan sa bilog niyang pagkabuhay.

Hukom 19:24

Uya an saiyang kasaroan asin an sakong aking daraga; iluluwas ko sinda. Gibohon nindo sainda an boot nindo, alagad dai nindo paggibohon an siring na karatan sa lalaking ini.”

Deuteronomio 21:15

“Halimbawa an sarong lalaki igwa nin duwang agom, asin padangat niya an saro sainda. Dangan nagkaaki siya sa duwa, alagad an matuang lalaki bakong aki kan padangat niyang agom.