Deuteronomio 20:7 - Marahay na Bareta Biblia

⁷ Igwa digdi sa saindong nakatalaan na mag-agom? Kun igwa, magpuli na siya; tibaad magadan siya sa gera asin iba an makaagom sa katrato niya.’

Deuteronomio 20:7 ပူးပေါင်းရင်းမြစ်များ

Mateo 1:18

Siring kaini an pagkamundag ni Jesu-Cristo. Si Maria na saiyang ina ikinasal ki Jose, alagad bago sinda kasalon, nangingidam na si Maria. An saiyang ipinapangidam gikan sa Espiritu Santo.

Deuteronomio 20:6

Igwa digdi sa saindong nagtanom nin ubas asin dai pa nagkinabang kan bunga kaiyan? Kun igwa, magpuli na siya; tibaad magadan siya sa gera asin iba an magkinabang kan bunga.

Deuteronomio 24:5

“Kun bagong kasalon an sarong lalaki, dai siya dapat pagpalaogon sa hukbo o pagtawan nin ano man na trabaho publiko; papabayaan ngona siya sa harong sa laog nin sarong taon, tanganing mag-ogma siya kaiba kan saiyang agom.

Deuteronomio 28:30

“Magkakaigwa kamo nin katratong babae, alagad iba an maagom saiya. Mapatugdok kamo nin harong, alagad dai kamo maerok diyan. Matanom kamo nin ubas, alagad dai nindo mananamitan an mga bunga kaiyan.

2 Timoteo 2:4

An soldados na naglilingkod sa hukbo dai nakikiaram sa mga bagay na sibil, huli ta an kamawotan niya iyo an pagpaogma sa saiyang opisyal.