Deuteronomio 20:5 - Marahay na Bareta Biblia

⁵ “Dangan masabi sa hukbo an mga opisyal, ‘Igwa digdi sa saindong nagtugdok nin harong asin dai pa nag-erok duman? Kun igwa, magpuli na siya; tibaad magadan siya sa gera asin iba an mag-erok sa saiyang harong.

Deuteronomio 20:5 ပူးပေါင်းရင်းမြစ်များ

Nehemias 12:27

Kan ikonsagra an kudal kan syudad nin Jerusalem, ipinaapod an gabos na Levita sa manlaen-laen na lugar na saindang pinag-eerokan tanganing makaiba sa selebrasyon na pano nin kaogmahan asin pasasalamat, kaiba an mga awit sa tanog nin mga gimbal, mga arpa, saka mga lira.

Salmo 30:1

Oomawon taka, Kagurangnan, huli ta ilinigtas mo ako asin dai mo itinugot na pagngisihan ako kan sakong mga kaiwal.

Mga Bilang 31:14

Naanggot si Moises sa mga opisyal kan hukbo, sa mga namamayo nin rinibo asin sa mga namamayo nin ginatos, na nagbaralik hale sa gera.

Mga Bilang 31:48

Dangan nagdolok ki Moises an mga opisyal kan hukbo

Deuteronomio 1:15

Kaya linaen ko an pinili nindong mga madonong asin may kakayahan na mga lalaki sa saindong tribu, dangan ibinugtak ko sindang pamayo nindo. An iba namayo sa sangribong tawo, an iba sa sanggatos, an iba sa singkwenta asin an iba sa sampolo. Nagbugtak man ako nin ibang mga opisyal sa mga tribu.

Deuteronomio 16:18

“Magbugtak kamo nin mga hukom asin iba pang opisyal sa lambang banwa na itinatao saindo nin Kagurangnan na saindong Dios. An mga lalaking ini iyo an mahukom sa mga tawo sa matanos na paagi.

Deuteronomio 20:6

Igwa digdi sa saindong nagtanom nin ubas asin dai pa nagkinabang kan bunga kaiyan? Kun igwa, magpuli na siya; tibaad magadan siya sa gera asin iba an magkinabang kan bunga.

1 Samuel 17:18

Daraha man an sampolong kesong ini sa opisyal na namamayo sainda. Hilingon mo an kamugtakan kan saimong mga tugang asin pagbalik mo, magdara ka nin tanda hale sainda.