Deuteronomio 20:18 - Marahay na Bareta Biblia

¹⁸ Gadanon nindo sinda tanganing dai kamo matukdoan na magkasala sa Kagurangnan huli sa paggibo kan mga makauuyam na bagay na ginigibo ninda sa pagsamba sa saindang mga dios-dios.

Deuteronomio 20:18 ပူးပေါင်းရင်းမြစ်များ

2 Mga Hade 21:3

Ipinatugdok niya giraray an paganong mga lugar na pagsasambahan na ginaba kan saiyang ama na si Ezekias. Nagtugdok siya nin mga altar para ki Baal asin naggibo nin mga imahen kan diosang si Asera, arog kan ginibo ni Ahab na hade nin Israel. Nagsamba saka naglingkod siya sa mga bitoon.

Exodo 23:32

Dai kamo makipagtipan sa sainda o sa saindang mga dios-dios.

Exodo 23:33

Dai nindo sinda pagtugotan na mag-erok sa saindong daga huli ta kun magtugot kamo, papagkasalaon ninda kamo sa sakuya; iyan an magigin siod sa saindo kun sambahon nindo an saindang mga dios-dios.”

Exodo 34:12

Dai nanggad kamo makipagtipan sa mga nag-eerok sa dagang dudumanan nindo huli ta iyan an magigin siod nindo.

Exodo 34:16

dangan tibaad agomon kan saindong mga aking lalaki an saindang mga aking babae, na masugot sainda na magtalikod sako asin magsamba sa saindang mga paganong dios-dios.

1 Corinto 15:33

Dai kamo magpadaya: “An mga maraot na kairiba, nakakaraot kan marahay na ugale.”

2 Corinto 6:17

“Kaya bayaan nindo sinda,” an sabi nin Dios, “sumiblag kamo sainda. Dai kamo magduta sa anoman na maati, dangan aakoon ko kamo.

Efeso 5:11

Dai kamo mag-ayon sa mga mayong halagang gibo nin kadikloman, kundi ihayag nindo sa liwanag an mga gibong iyan. (

Deuteronomio 18:19

Mataram siya sa ngaran ko, asin papadusahan ko an siisay man na dai magkuyog saiya.

Deuteronomio 18:9

“Kun makaabot na kamo sa daga na itinatao saindo nin Kagurangnan na saindong Dios, hare kamo pagsunod sa mga makauuyam na kaugalean kan mga nasyon na yaon duman.

Deuteronomio 20:17

Gadanon nindo an gabos na tawo: an mga Heteo, Amoreo, Cananeo, Perezeo, Heveo, saka an mga Jebuseo, siring sa ipinagboot saindo nin Kagurangnan.

Deuteronomio 20:19

“Kun sinasakop nindo an sarong syudad, dai nindo pagpalodon an ano man na kahoy na namumunga, maski mahaloy nin marahay an saindong pagsakop. Kakanon nindo an mga bunga, alagad dai nindo pagpalodon an mga kahoy; bako iyan an saindong mga kaiwal.

Deuteronomio 9:5

Itatao niya saindo an daga ninda bakong huli ta mga marahay kamo asin tama an ginigibo nindo. Papahaleon sinda nin Kagurangnan huli ta mga maraot sinda asin huli ta boot niyang otobon an saiyang panuga sa saindong mga ginikanan, ki Abraham, ki Isaac saka ki Jacob.

2 Tesalonica 3:14

Kun igwa nin habong magkuyog sa sinasabi mi sa surat na ini, tandaan nindo siya dangan likayan tanganing masopog siya.

1 Timoteo 6:5

dangan pasuruhay sa tahaw nin mga tawong dai naggagamit kan saindang mga isip asin dai nakakamidbid kan katotoohan. Naghohona sinda na an relihiyon sarong paagi nin pagpayaman.

Josue 23:13

saboton nanggad nindo na dai na papahaleon nin Kagurangnan na saindong Dios an mga nasyon na iyan sa pagdangadang nindo. Alagad sinda magigin sarong siod saka sarong kalot para saindo, sarong makosog na panghampak sa saindong likod, sagkod mga tonok sa saindong mga mata. Dangan magdadanay iyan sagkod na mayo nang matada saindo digdi sa marahay na dagang itinao saindo nin Kagurangnan na saindong Dios.

Hukom 2:3

Kaya sinasabihan ko kamo ngunyan na dai ko papahaleon an mga tawong ini sa pagdangadang nindo. Magigin mga kaiwal nindo sinda asin an pagsamba sa saindang mga dios-dios iyo an magigin siod nindo.”