Deuteronomio 20:16 - Marahay na Bareta Biblia

¹⁶ “Alagad sa mga syudad sa dagang itatao saindo nin Kagurangnan na saindong Dios, gadanon nindo an lambang saro.

Deuteronomio 20:16 ပူးပေါင်းရင်းမြစ်များ

Mga Bilang 21:35

Kaya ginadan kan mga Israelita si Og, an mga aking lalaki niya, sagkod an gabos niyang tawohan; mayo sindang itinadang buhay. Dangan sinakop ninda an saiyang daga.

Mga Bilang 31:17

Kaya gadanon nindo ngunyan an mga aking lalaki saka an mga babaeng nadorogan na.

Mga Bilang 33:52

pahaleon nanggad nindo an gabos na nag-eerok sa daga. Raoton nindo an gabos nindang ladawan na gibo sa gapo saka sa metal. Gabaon man nindo an gabos nindang lugar na pinagsasambahan.

Deuteronomio 20:15

Siring kaiyan an gibohon nindo sa mga syudad na harayo sa dagang eerokan nindo.

Deuteronomio 20:17

Gadanon nindo an gabos na tawo: an mga Heteo, Amoreo, Cananeo, Perezeo, Heveo, saka an mga Jebuseo, siring sa ipinagboot saindo nin Kagurangnan.

Deuteronomio 24:4

ibibilang nang maati an babae; dai na siya pwedeng agomon giraray kan enot niyang agom. Ikakaongis nin Kagurangnan kun agomon niya giraray an babae. Dai nindo paggibohon an siring na karatan sa daga na itatao saindo nin Kagurangnan na saindong Dios.

Deuteronomio 31:5

Itatao sinda nin Kagurangnan saindo, asin gibohon nanggad nindo sainda an gabos na sinabi ko saindo.

Deuteronomio 4:21

Huli saindo, naanggot sako an Kagurangnan na saindong Dios, asin nagsumpa na dai ako makakabalyo sa Salog nin Jordan asin dai ako makakalaog sa marahay na daga na itinatao saindo nin Kagurangnan bilang pamana.

Deuteronomio 7:16

Gadanon nindo an gabos na banwaan na itatao sa saindong kamot kan Kagurangnan na saindong Dios. Dai kamo maherak sainda asin dai kamo magsamba sa saindang mga dios-dios. Iyan an magigin siod para saindo.

Josue 10:20

Ginadan sinda ni Josue asin kan saiyang mga soldados alagad igwa nin nagkapirang nakadulag asin nakalaog sa saindang syudad kaya nakaligtas.

Josue 10:28

Kan aldaw na idto, sinalakay asin sinakop ni Josue an Makkeda asin an hade duman. Ginadan niya an gabos na nasa syudad; mayo siyang itinadang buhay. Ginibo niya sa hade kan Makkeda an ginibo niya sa hade kan Jerico.

Josue 10:40

Sinakop ni Josue an bilog na daga. Nadaog niya an mga hade sa kabubuldan, sa mga tukadon sa parteng sirangan, sa mga kababan sa solnopan, asin sa habagat na parte kan Canaan. Mayo siyang ilinigtas; ginadan niya an gabos. Iyo ini an ipinagboot nin Kagurangnan na Dios nin Israel.

Josue 11:14

Sinamsam kan mga Israelita an mga mahalagang kagamitan saka an mga hayop sa mga syudad na idto para sa sainda. Alagad ginadan ninda an mga tawo; mayo sindang itinadang buhay.

Josue 6:24

Dangan sinulo ninda an syudad asin an gabos na yaon duman, pwera an mga bagay na gibo sa bulawan, plata, bronse asin lansang na kinua ninda saka ibinugtak sa kaban nin yaman nin Kagurangnan.

Josue 8:25

Padagos na itinuro ni Josue an saiyang garod asin dai niya ibinaba sagkod na dai nagadan an mga tawo duman. An gabos na taga Ai nagadan kan aldaw na idto—mga dose mil na lalaki asin babae.

Josue 8:8

Pakatapos nindong masakop an syudad, suloon nindo iyan, siring sa ipinagboot nin Kagurangnan. Iyan an mga pagboot ko saindo.”

Josue 9:24

Nagsimbag sinda, “Ginibo mi idto huli ta naaraman mi na totoong ipinagboot nin Kagurangnan, na saindong Dios, sa sorogoon niyang si Moises na itao saindo an bilog na daga asin gadanon an mga tawong nag-eerok diyan. Ginibo mi idto huli ta natatakot kami na tibaad gadanon nindo kami.

Josue 9:27

Alagad ginibo niya sindang mga oripon, mga paraputol nin kahoy asin parasakdo nin tubig para sa mga Israelita asin para sa altar nin Kagurangnan. Sagkod ngunyan ginigibo ninda an trabahong ini sa lugar na pinili nin Kagurangnan na pagsasambahan saiya.

Josue 9:7

Alagad nagsimbag an mga kalalakihan nin Israel, “Tano ta makikipagtipan kami saindo? Tibaad harani man sana an pinag-eerokan nindo.”

1 Samuel 15:3

Lakaw asin salakayon mo an mga Amalekita; raoton mo an gabos nindang pagsadiri. Dai ka magtada nin ano man; gadanon mo an gabos na kalalakihan, kababaehan, kaakian asin mga pasuso; an mga baka, karnero, kamelyo, saka asno.’”