Deuteronomio 20:1 - Marahay na Bareta Biblia

¹ “Kun magluwas kamo sa pakigera sa saindong mga kaiwal, asin mahiling nindo na mas dakul ki sa saindo an saindang mga kabayo, karwahe asin hukbo, dai kamo matakot sa sainda; kaibahan nindo an Kagurangnan na saindong Dios na nagluwas saindo hale sa Egipto.

Deuteronomio 20:1 ပူးပေါင်းရင်းမြစ်များ

Genesis 26:3

Mag-erok ka sa dagang ini; iibahan asin bebendisyonan taka. Itatao ko saimo asin sa mga kapagarakian mo an bilog na dagang ini, asin ootobon ko an sakong panuga sa saimong ama na si Abraham.

2 Mga Cronica 14:10

Nagluwas si Asa tanganing labanan siya, asin an duwang hukbo naghampangan sa Kapantayan nin Zefata sa Maresa.

2 Mga Cronica 14:11

Namibi si Asa sa Kagurangnan na saiyang Dios, “O Kagurangnan, matatabangan mo an sarong maluyang hukbo, siring na matatabangan mo man an sarong makosog na hukbo. Tabangan mo kami, O Kagurangnan na samuyang Dios, huli ta nananarig kami saimo asin sa ngaran mo nagdigdi kami sa pakilaban sa dakulang hukbong ini. O Kagurangnan, ika an samuyang Dios; hare pagtugot na madaog ka nin siisay man.”

2 Mga Cronica 20:12

Ika an samuyang Dios! Padusahan mo sinda, huli ta mayo kami nin kosog na atubangon an dakulang hukbo na ini na nagsasalakay samo. Dai mi aram kun ano an samong gigibohon, alagad minalaom kami na tatabangan mo kami.”

2 Mga Cronica 20:15

Nagtaram si Jahaziel, “Dangoga, O Hadeng Jehosafat, asin kamo gabos na taga Juda saka taga Jerusalem! Nagtataram an Kagurangnan na dai kamo manluya o matakot sa atubang kan dakulang hukbong ini; huli ta bakong saindo an gerang ini kundi sa Dios.

Salmo 118:6

An Kagurangnan kaapil ko, dai ako matatakot; ano an magigibo nin tawo laban sako?

Salmo 20:7

May nagsasarig sa mga karwahe; may nagsasarig sa mga kabayo; alagad nagsasarig kami sa ngaran nin Kagurangnan na samong Dios.

Salmo 23:4

Maski ako maglakaw sa dalan nin kadikloman, dai ako matatakot, Kagurangnan, huli ta ika sakong kaibahan. An saimong badas asin sugkod iyo sako nag-aataman.

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Salmo 46:7

An Makakamhan na Kagurangnan kaibahan nyato; satong pailihan an Dios ni Jacob.

Salmo 46:8

Madya asin hilinga an ginibo nin Kagurangnan. Hilinga an makangangalas na mga bagay na ginibo niya sa kinaban.

Exodo 20:2

“Ako an Kagurangnan na saindong Dios na nagdara saindo sa luwas kan daga nin Egipto, sa luwas kan harong nin kaoripnan.

Isaias 31:1

Herak man sa mga nagduduman sa Egipto nganing magpatabang! Nagsasarig sinda sa kosog kan hukbo nin Egipto—mga kabayo, mga karwahe, saka mga soldados. Alagad dai sinda nagsasarig sa Kagurangnan, an banal na Dios nin Israel, ni naghahagad saiya nin tabang.

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Isaias 43:2

Kun mag-agi ka sa hararom na katubigan, kaibahan mo ako; dai ka madadaog kan saimong mga kasakitan. Kun mag-agi ka sa kalayo, dai ka masusulo; dai ka maaano kan mga masakit na pagbalo.

Isaias 7:14

Kaya an Kagurangnan mismo an matao saindo nin tanda: may sarong daraga na mangingidam asin mangangaki nin lalaki asin aapodon niyang Immanuel.

Jeremias 16:14

Nagtataram an Kagurangnan, “Maabot an panahon na an mga tawo dai na manunumpa huli sako bilang buhay na Dios na nagluwas sa banwaan nin Israel hale sa Egipto.

Zacarias 10:5

Magigin mapanggana an banwaan nin Juda arog sa mga soldados na nagtitimaktimak kan saindang mga kaiwal sa laboy kan mga tinampo. Makikilaban sinda huli ta kaiba ninda an Kagurangnan, asin dadaogon ninda maski an mga kaiwal nindang parakabayo.

Mga Bilang 10:9

Kun kamo makigera sa mga kaiwal na nagsalakay saindo sa sadiri nindong daga, patanogon nindo an mga trompeta bilang alarma, tanganing ako, an Kagurangnan na saindong Dios, an matabang saindo asin maligtas sa saindo.

Mga Bilang 23:21

Mayo akong nahihiling na kapahamakan ki Jacob; O ano man na kasakitan sa Israel. An Kagurangnan na saindang Dios yaon sainda; Siya an ipinapahayag nindang hade.

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

Deuteronomio 1:29

“Alagad sinabihan ko kamo, ‘Dai kamo matakot sainda.

Deuteronomio 2:7

“Benendisyonan kamo nin Kagurangnan na saindong Dios sa gabos nindong gibo. Inataman niya kamo sa saindong pagparalibot sa desyerto asin inibahan niya kamo sa laog nin kwarentang taon; dai kamo nagkulang nin ano man.

Deuteronomio 20:2

Bago kamo makilaban, sarong padi an mapaenotan asin masabi sa hukbo,

Deuteronomio 20:3

‘Pagdangog, Israel. Makikigera kamo ngunyan na aldaw. Magmaisog kamo; dai kamo magtakig o matakot sa saindong mga kaiwal.

Deuteronomio 31:6

Magmaisog kamo saka pakosogon nindo an saindong boot. Dai kamo matakot sainda; huli ta iibahan kamo nin Kagurangnan na saindong Dios; dai niya kamo papabayaan.”

Deuteronomio 31:8

An Kagurangnan mismo an mangengenot asin maiba saimo. Dai ka niya papabayaan, kaya dai ka matakot o manluya an saimong boot.”

Deuteronomio 7:1

“Dadarahon kamo nin Kagurangnan na saindong Dios duman sa dagang sasakopon nindo, asin papahaleon niya duman an dakul na banwaan. Sa pagdangadang nindo, aalawon niya an pitong nasyon na orog na dakula asin mapangyari ki sa saindo: an mga Heteo, Gergeseo, Amoreo, Cananeo, Perezeo, Heveo, asin Jebuseo.

Deuteronomio 7:18

Dai kamo matakot sa sainda; giromdomon nindo an ginibo nin Kagurangnan na saindong Dios sa hade asin sa bilog na Egipto.

Deuteronomio 7:21

Kaya dai kamo matakot sainda. Kaiba nindo an Kagurangnan na saindong Dios; dakula siya asin dapat katakotan.

Deuteronomio 9:3

Alagad ngunyan na aldaw mahihiling nindo na mangengenot saindo an Kagurangnan na saindong Dios siring sa sarong nakakatutong na kalayo. Sa pagdangadang nindo, dadaogon niya sinda tanganing madali nindo sindang mapahale asin magadan siring sa ipinanuga niya.

Josue 1:5

Josue, dai nin siisay man na makakadaog saimo sa bilog mong pagkabuhay. Iibahan taka siring na inibahan ko si Moises. Danay na iibahan taka; dai taka nanggad papabayaan.

Josue 1:9

Giromdoma na pinagbotan taka na magmaisog asin magmakosog nin boot! Dai ka matakot o mawaraan nin paglaom huli ta ako, an Kagurangnan na saimong Dios, an kaibahan mo saen ka man magduman.”

Josue 11:9

Ginibo sainda ni Josue an ipinagboot nin Kagurangnan: pinilayan niya an saindang mga kabayo asin sinulo an saindang mga karwahe.

Hukom 6:12

Nagpahiling saiya an anghel nin Kagurangnan asin nagsabi, “Yaon saimo an Kagurangnan, maisog asin makosog na lalaki!”

Hukom 6:16

Nagtaram an Kagurangnan, “Magigibo mo iyan huli ta tatabangan taka. Roronoton mo an mga Midianita na garo saro sanang tawo.”

1 Samuel 17:32

Nagsabi si David ki Saul, “Mayo nin siisay man na dapat matakot sa Filisteong iyan! Ako an maduman asin makikilaban saiya.”