Deuteronomio 2:9 - Marahay na Bareta Biblia

⁹ Nagtaram sako an Kagurangnan, ‘Dai nindo pagribokon o kalabanon an mga Moabita, na kapagarakian ni Lot, huli ta itinao ko na sainda an daga nin Ar, asin dai ko kamo tatawan maski sarong pedaso kan saindang daga.’” (

Deuteronomio 2:9 ပူးပေါင်းရင်းမြစ်များ

2 Mga Cronica 20:10

“Sinalakay kami ngunyan kan mga taga Ammon, Moab saka Edom. Kan magluwas sa Egipto an samong mga ginikanan, dai mo sinda tinugotan na maglaog sa mga lugar na idto, kaya linihisan ninda iyan asin dai rinaot.

Salmo 83:8

Nagsarabay man sainda an mga taga Asiria; makokosog sindang kaapil kan kapagarakian ni Lot.

Isaias 15:1

Iyo ini an mensahe dapit sa Moab. Sa laog nin saro sanang banggi, nagkararaot an mga syudad nin Ar asin Kir; mayo na maski sarong tingog na nadadangog sa daga nin Moab.

Mga Bilang 21:15

an mga tukadon kan mga kapantayan na minasagkod sa banwa nin Ar, asin pasiring sa pagdolonan nin Moab.”

Mga Bilang 21:28

Hale sa syudad nin Hesbon luminuwas siring sa kalayo an hukbo ni Sihon, Asin ginaba kaiyan an syudad nin Ar sa Moab. Hinalon an mga kagurangnan kan kabubuldan nin Arnon.

Mga Bilang 22:4

Kaya nagsabi an mga Moabita sa mga lider kan Midian, “Uuboson kan mga tawong iyan an gabos na nakapalibot sato, siring na inuubos kan torong baka an mga doot sa oma.” Kaya nagpadara si Hadeng Balak

Deuteronomio 2:29

sagkod na makabalyo kami sa Salog nin Jordan asin makaabot sa daga na itinatao samo nin Kagurangnan na samong Dios. Tinugotan kaming mag-agi sa Edom kan kapagarakian ni Esau, asin sa Ar kan mga Moabita.’

Deuteronomio 2:5

dai nindo sinda kalabanon huli ta dai ko itatao saindo maski sarong pye kwadrado kan saindang daga. Itinao ko na an Edom sa kapagarakian ni Esau.

Hukom 11:15

dara an simbag na ini: “Bakong totoo na kinua kan Israel an daga nin Moab o nin Ammon.

Hukom 11:17

Dangan nagpadara sinda nin mga sugo sa hade nin Edom tanganing tugotan sindang makaagi sa saiyang daga. Alagad habong magtugot an hade. Nagpadara man sinda nin mga sugo sa hade nin Moab alagad habo man niyang paagihon an mga Israelita sa saiyang daga. Kaya nag-ontok sa Kades an mga Israelita.

Hukom 11:18

Dangan ipinadagos ninda an pagbaklay sa kalangtadan na nag-agi sa palibot kan daga nin Edom asin Moab sagkod na makaabot sa sirangan na parte kan Moab, sa ibong kan Salog nin Arnon. Duman sinda nagkampo alagad dai sinda nagbalyo sa salog huli ta iyo idto an kasagkoran nin Moab.