Deuteronomio 2:8 - Marahay na Bareta Biblia

⁸ “Kaya inagihan ta an Edom na pinag-eerokan kan kapagarakian ni Esau, asin nagpadagos kita sa paglakaw. Binayaan ta an dalan pasiring sa Elat asin an pasiring sa Ezion-geber, dangan nagliko kita asin nagpasiring sa kalangtadan nin Moab.

Deuteronomio 2:8 ပူးပေါင်းရင်းမြစ်များ

Genesis 25:23

Tinaraman siya nin Kagurangnan, “Duwang nasyon an nasa tulak mo, duwang magkaribal na banwaan an mamumundag saimo; an saro mas makosog ki sa saro, an matua, maglilingkod sa ngohod.”

1 Mga Hade 9:26

Nagpagibo man si Solomon nin dakul na barko duman sa Ezion-geber, na harani sa Elat na nasa baybayon kan Dagat na Pula, sa daga nin Edom.

2 Mga Hade 14:22

Pagkagadan ni Amazias, nabawi ni Uzzias an Elat dangan hinirahay niya an syudad.

2 Mga Hade 16:6

(Kan panahon na iyan, nabawi kan hade nin Edom an syudad nin Elat, asin pinahale niya an mga taga Juda na nag-erok sa Elat. Nag-abot sa Elat an mga Edomita asin sagkod ngunyan nag-eerok sinda digdi.)

Mga Bilang 21:4

Hale sa Bukid nin Hor, naglakaw an mga Israelita pasiring sa Dagat na Pula, tanganing mag-agi sa palibot kan daga nin Edom. Alagad sa dalan, nawaraan nin pasensya an mga tawo

Deuteronomio 1:1

Iyo ini an mga ipinahayag ni Moises sa banwaan nin Israel kan yaon sinda duman sa kalangtadan, sa sirangan kan Salog nin Jordan. Nasa kapantayan sinda kan Jordan, harani sa Suf, sa pagultanan kan banwa nin Paran asin kan mga banwa nin Tofel, Laban, Hazerot, asin Dizahab. (

Hukom 11:18

Dangan ipinadagos ninda an pagbaklay sa kalangtadan na nag-agi sa palibot kan daga nin Edom asin Moab sagkod na makaabot sa sirangan na parte kan Moab, sa ibong kan Salog nin Arnon. Duman sinda nagkampo alagad dai sinda nagbalyo sa salog huli ta iyo idto an kasagkoran nin Moab.