Deuteronomio 2:36 - Marahay na Bareta Biblia

³⁶ Tinugotan kita nin Kagurangnan na sakopon an gabos na banwa magpoon sa Aroer na nasa tampi kan Kapantayan nin Arnon, asin an syudad na nasa kapantayan na ini, sagkod sa Gilead. Dai nakaolang sato an mga makosog na kudal kan arin man na banwa.

Deuteronomio 2:36 ပူးပေါင်းရင်းမြစ်များ

2 Samuel 24:5

Binalyo ninda an Jordan asin nagkampo sa habagat nin Aroer, an syudad na nasa tahaw kan kapantayan, sa teritoryo nin Gad. Hale duman, nagpa-amihan sinda, sa Jazer,

2 Mga Hade 10:33

sa sirangan kan Jordan. Sa parteng habagat, sinakop niya an banwa nin Aroer sa Salog nin Arnon—kaiba digdi an mga teritoryo nin Gilead asin Basan, saen nag-eerok an mga tribu ni Gad, Ruben, asin an kabanga kan tribu ni Manases.

Salmo 44:3

Bakong huli sa saindang espada napasainda an daga; bakong huli sa saindang kosog nakamtan an panggana; kundi huli sa too mong kamot asin takyag patin sa liwanag kan lalawogon mo; huli ta sinda nawilihan mo.

Exodo 23:31

Ibubugtak ko an mga kasagkoran kan saindong daga magpoon sa Salog nin Eufrates sagkod sa Dagat na Pula, asin magpoon sa kalangtadan sagkod sa Dagat nin Mediteraneo. Ibubugtak ko sa saindong mga kamot an mga nag-eerok sa daga asin papahaleon nindo sinda mantang naglalaog kamo sa daga.

Isaias 17:2

Mawawaraan nin namamanwaan an mga syudad nin Siria sagkod pa man. Ini magigin mga pasabsaban para sa karnero saka baka, asin mayo nin maalaw sa sainda.

Jeremias 48:19

Kamong nag-eerok sa Aroer, magtindog kamo sa gilid kan dalan saka maghalat; hapoton nindo an nagdudurulag, aramon nindo sainda kun ano an nangyari.

Mga Bilang 32:34

Pinatindog giraray kan tribu ni Gad an nakukudal na mga banwa nin Dibon, Atarot, Aroer,

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

Deuteronomio 3:12

“Kan masadirihan ta na an daga, itinao ko sa mga tribu ni Ruben asin Gad an teritoryo na nasa amihan kan banwa nin Aroer, harani sa Salog nin Arnon, asin an kabtang kan mabulod na daga nin Gilead, kaiba an mga banwa duman.

Deuteronomio 4:48

An dagang ini minapoon sa Aroer na nasa tampi kan Salog nin Arnon, sagkod sa Bukid nin Sirion, na iyo an bukid nin Hermon,

Josue 1:5

Josue, dai nin siisay man na makakadaog saimo sa bilog mong pagkabuhay. Iibahan taka siring na inibahan ko si Moises. Danay na iibahan taka; dai taka nanggad papabayaan.

Josue 12:2

An saro iyo si Sihon, an hadeng Amoreo na nag-erok sa Hesbon. Sakop kan saiyang kahadean iyo an kabanga kan Gilead: magpoon sa Aroer (sa gilid kan Kapantayan nin Arnon) asin magpoon sa syudad na nasa tahaw kan nasabing kapantayan sagkod sa Salog nin Jabbok sa pagdolonan nin Ammon;

Josue 13:16

An saindang teritoryo abot sa Aroer (na nasa gilid kan Kapantayan nin Arnon) asin an syudad na nasa tahaw kan kapantayan na idto saka an gabos na kapatagan sa bukid sa palibot kan Medeba.

Josue 13:9

An teritoryo ninda minaabot sa Aroer (na nasa gilid kan Kapantayan nin Arnon) asin an syudad na nasa tahaw kan kapantayan na ini saka an gabos na kapatagan sa bukid na minapoon sa Medeba sagkod sa Dibon;

Josue 21:44

Tinawan sinda nin Kagurangnan nin katoninongan sa bilog na daga, siring sa ipinanuga niya sa saindang mga ginikanan. Dai sinda nadaog kan arin man sa saindang mga kaiwal, huli ta pinapanggana sinda nin Kagurangnan.

Hukom 11:22

Sinakop ninda an gabos na teritoryo kan mga Amoreo magpoon sa Arnon sa habagat sagkod sa Jabbok sa amihan, asin magpoon sa kalangtadan sa sirangan sagkod sa Jordan sa solnopan.

Hukom 11:26

Sa laog nin tolong gatos na taon nag-erok an mga Israelita sa Hesbon, sa Aroer, asin sa mga banwa na nasa palibot kaiyan, sagkod sa mga syudad na yaon sa pangpang kan Salog nin Arnon. Tano ta dai mo kinua an dagang idto sa laog kan panahon na iyan?