Deuteronomio 2:24 - Marahay na Bareta Biblia

²⁴ “Pakaagi ta sa Moab, nagtaram sato an Kagurangnan, ‘Magduman kamo sa ibong kan Salog nin Arnon. Itatao ko saindo si Sihon, an Amoreong hade nin Hesbon, sagkod an saiyang daga. Salakayon nindo siya asin poonan na nindong sakopon an saiyang daga.

Deuteronomio 2:24 ပူးပေါင်းရင်းမြစ်များ

2 Mga Cronica 36:23

“Ini an pagboot ni Ciro na emperador nin Persia: An Kagurangnan, an Dios nin langit, iyo an nagtao sako kan gabos na kahadean sa daga asin pinagbotan ako na magtugdok nin sarong templo para saiya duman sa Jerusalem sa Juda. Magduman kamo sa Jerusalem, kamo gabos na saiyang banwaan, asin ibahan logod kamo nin Kagurangnan na saindong Dios.”

Esdras 1:2

“Ini an pagboot ni Ciro, an Emperador nin Persia. An Kagurangnan, an Dios nin langit, iyo an nagtao sako kan gabos na kahadean sa daga, asin pinagbotan niya ako na magtugdok nin sarong templo para saiya duman sa Jerusalem sa Juda.

Jeremias 27:5

“Sa paagi kan dakula kong kapangyarihan asin kosog linalang ko an kinaban, an tawo, asin an gabos na hayop na nabubuhay sa daga, saka itinatao ko ini sa kiisay man na pinipili ko.

Ezekiel 29:20

Itinatao ko saiya an Egipto bilang kabayadan saiya, huli ta naglingkod sako an saiyang hukbo. Ako, an Kagurangnan Dios, an nagtaram.

Daniel 2:38

Siya an naggibo saimong pamayo kan gabos na kabtang kan daga na pinag-eerokan kan mga tawo, hayop, saka gamgam. Ika an payong bulawan.

Daniel 4:17

Iyo ini an desisyon kan andam na nagbabantay na mga anghel. Kaya paaraman nindo sa gabos na banwaan saen man na lugar na an Kahorohalangkaweng Dios igwa nin kapangyarihan sa mga kahadean nin tawo asin siya an pwedeng magtao kan mga iyan sa saiyang mapili—maski sa mga pinakasadit na tawo.’

Mga Bilang 21:12

Hale sa Iye-abarim nagbaklay sinda asin nagkampo sa Kapantayan nin Zered.

Deuteronomio 2:36

Tinugotan kita nin Kagurangnan na sakopon an gabos na banwa magpoon sa Aroer na nasa tampi kan Kapantayan nin Arnon, asin an syudad na nasa kapantayan na ini, sagkod sa Gilead. Dai nakaolang sato an mga makosog na kudal kan arin man na banwa.

Josue 6:16

Sa ikapitong paglibot, kan papatanogon na kan mga padi an saindang mga trompeta, pinagbotan ni Josue an saiyang mga soldados, “Magkurahaw kamo, huli ta itinao na saindo nin Kagurangnan an bilog na syudad!