Deuteronomio 2:23 - Marahay na Bareta Biblia

²³ An nag-erok kaidto sa baybayon kan Mediteraneo sagkod sa Gaza iyo an mga Avvim; pinahale sinda kan mga taga Creta, na iyo an nag-erok sa lugar ninda.)

Deuteronomio 2:23 ပူးပေါင်းရင်းမြစ်များ

Genesis 10:14

Patrus, Caslu, na ginikanan kan mga Filisteo, asin ni Caftor.

Genesis 10:19

Hale sa Sidon, an saindang teritoryo nakaabot sa Gerar harani sa Gaza sa habagat asin sa Sodoma, Gomorra, Adma saka Zeboiim harani sa Lasa sa sirangan.

1 Mga Hade 4:24

Sakop ni Solomon an gabos na daga sa solnopan kan Salog nin Eufrates, magpoon sa Tifsa sagkod sa Gaza. Sakop man niya an mga hade sa solnopan kan Salog nin Eufrates; igwa nin katoninongan sa palibot ni Solomon.

2 Mga Hade 18:8

Nadaog niya an mga Filisteo dangan sinalakay niya an mga erokan ninda, magpoon sa pinakasadit na baryo sagkod sa pinakadakulang syudad, kaiba an Gaza saka an teritoryo sa palibot kaini.

1 Mga Cronica 1:12

Patrus, Caslu, na iyo an ginikanan kan mga Filisteo asin Caftos.

Jeremias 47:4

Nag-abot na an panahon kan paggadan sa mga Filisteo, tanganing mahale an natatadang mga katabang kan Tiro saka Sidon. Ako, an Kagurangnan, an magadan sa mga Filisteo, na gabos hale sa mga baybayon nin Creta.

Amos 9:7

An Kagurangnan nagtataram, “Banwaan nin Israel, an pagromdom ko sa Etiopia siring kan pagromdom ko saimo. Kinua ko an mga Filisteo hale sa Creta asin an mga Siro hale sa Kir, siring na kinua ko kamo sa Egipto.

Sofonias 2:4

Mayo nin matatada sa syudad nin Gaza. Maharale an mga nag-eerok sa Askelon. Sa laog nin kabangang aldaw, papahaleon an mga namamanwaan sa Asdod, asin papahaleon an mga nag-eerok sa syudad nin Ekron.

Zacarias 9:5

Mahihiling ini kan syudad nin Askelon saka matatakot. Mahihiling man iyan kan syudad nin Gaza, asin mamimiripit iyan sa kulog. Arog man kaini an mangyayari sa Ekron, kaya mawawaraan siya nin paglaom. Magagadan an hade nin Gaza; an Askelon dai na pag-eerokan.

Mga Gibo 17:26

Linalang niya an gabos na rasa sa kinaban gikan sa saro sanang tawo. Lambang linalang tinawan niya nin talaan na panahon na mabuhay asin nin lugar na eerokan.

Josue 10:41

An pakikilaban ni Josue nagpoon sa Kades-barnea sa habagat sagkod sa Gaza harani sa baybayon, kaiba an bilog na daga kan Gosen sagkod sa Gibeon sa amihan.

Josue 11:22

Mayo nin natada sa mga Anakim sa daga nin Israel; alagad sa Gaza, Gat asin Asdod, igwa nin natadang nagkapira.

Josue 13:3

siring man an bilog na teritoryo nin Avvim sa parteng habagat. (An daga poon sa sapa nin Sihor, sa pagdolonan nin Egipto, sagkod sa pagdolonan nin Ekron sa parteng amihan ibinilang na sadiri kan mga Cananeo; an mga hade kan mga Filisteo nag-eerok sa Gaza, Asdod, Askelon, Gat, saka Ekron.)

Josue 15:47

Kairiba man an Asdod saka Gaza, dangan an mga banwa asin an mga baryo na abot sa sapa na nasa pagdolonan kan Egipto sagkod sa baybayon kan dagat nin Mediteraneo.

Hukom 1:18

Tinabangan nin Kagurangnan an tribu ni Juda, asin nasakop kaini an mabulod na daga. Alagad dai ninda nasakop an Gaza, an Askelon, asin an Ekron, kaiba an mga kataraed na lugar. An mga tawong nag-eerok sa may baybayon igwa nin mga karwaheng lansang, kaya dai sinda napahale kan tribu ni Juda.