Deuteronomio 2:22 - Marahay na Bareta Biblia

²² Arog man kaini an ginibo nin Kagurangnan para sa kapagarakian ni Esau kan an mga ini magduman sa Edom. Pinahale nin Kagurangnan an mga Horeo asin pinaerok sa lugar ninda an kapagarakian ni Esau na yaon duman sagkod ngunyan.

Deuteronomio 2:22 ပူးပေါင်းရင်းမြစ်များ

Genesis 14:6

asin an mga Horeo sa kabubuldan kan Edom, na saindang rinalamag sagkod sa El-paran na harani na sa desyerto.

Genesis 36:8

Kaya nag-erok si Esau sa mabulod na daga nin Edom.

Deuteronomio 2:12

Nag-erok man sa Edom an mga Horeo; alagad dinaog sinda dangan ginadan kan kapagarakian ni Esau. Rinumpag kaini an saindang nasyon dangan duman na nag-erok sa lugar ninda, arog kan ginibo kan mga Israelita duman sa daga na itinao sainda nin Kagurangnan.)

Deuteronomio 2:21

Dakul sindang marahay asin darakula arog sa mga Anakim. Alagad ginadan sinda nin Kagurangnan tanganing an mga Ammonita iyo na an mag-erok sa lugar ninda.

Deuteronomio 2:5

dai nindo sinda kalabanon huli ta dai ko itatao saindo maski sarong pye kwadrado kan saindang daga. Itinao ko na an Edom sa kapagarakian ni Esau.